आपतकालिन केन्द्रके लाग सामग्री हस्तान्तण
पहुरा समाचारदाता
धनगढी, ६ कुवाँर । सामाजिक सेवा दिवसके अवसरमे सुदूरपश्चिम प्रदेशके प्रादेशिक आपतकालिन कार्य संचालन केन्द्र संचालन करेक लाग आन्तरिक मामिला तथा कानुन मन्त्रालय सुदूरपश्चिम प्रदेशहे टमान सामग्री हस्तान्तरण कैगिल बा ।
वल्र्ड भिजन ईन्टरनेशनल नेपाल ओ साझेदार संस्था सामाजिक विकासका लागि सचेत समाज कैलालीसे उ सामग्री हस्तान्तरण करल रहे । उ सामग्री वल्र्ड भिजन ईन्टरनेशनल नेपाल पश्चिम फिल्ड कार्यालयके व्यवस्थापक चेतराज भट्टराईसे आन्तरिक मामिला तथा कानुन मन्त्रालय सुदुरपश्चिम प्रदेशके माननीय मन्त्री प्रकाश बहादुर शाहहे हस्तान्तरण कैगिल बा ।
माननीय मन्त्री शाह आपतकालिन कार्य संचालनके लाग भवन निर्माण हुसेकल ओ निकट भविष्यमे आपतकालिन कार्य संचालन केन्द्रहे निरन्तर कार्य सचालनमे नन्ना बाट बटैलै । उहाँ सामग्री हस्तान्तरण करुइया दुनु सहयोगी संस्थाहे धन्यवाद डेलै ।
हस्तान्तरण सामग्रीमे फायर स्टीङगुसर, मेघाफोन, क्यानन् पावरसुट क्यामेरा, ल्यापटप, सोलार, टेलिभिजन, काठके टेबल, रिभल्भिङ कुर्सी, काठके कुर्सी, स्टील दराज, प्रिन्टर करके जम्मा ४ लाख २७ हजार बराबरके सामग्री हस्तान्तरण करल सामाजिक विकासका लागी सचेत समाज कैलालीके कार्यक्रम संयोजक भरत विक बटैलै । उ हस्तान्तरण कार्यक्रममे सहयोगी सस्थाके ओरसे वल्र्ड भिजन नेपाल पश्चिम फिल्ड कार्यालयके ओरसे कार्यक्रम व्यवस्थापक चेतराज भट्टराई, नेपाल विपद् जोखिम न्युनिकरण परियोजना संयोजक नित्यानन्द पाण्डे, पब्लिक ईङगेजमेन्ट इस्पेस्लिस्ट विनय बराल, साझेदार संस्थाके अध्यक्ष बल बहादुर शिलाधर, कार्यक्रम संयोजक भरत विक नेपाल विपद् जोखिम न्युनिकरणके परियोजना अधिकृत क्रिम चौधरीके सहभागिता रहल रहे ।
वल्र्ड भिजन ईन्टरनेशनल नेपालसे सुदुरपश्चिमके ४ जिल्ला डोटी, अछाम, बझाङ ओ कैलाली जिल्लामे शिक्षा, स्वास्थ्य, जिविकोपार्जन, बालसंरक्षण, विपद् जोखिम न्युनिकरणके क्षेत्रमे काम करटी आइल अवस्थामे विशेष करके तीन ठो जिल्लाडोटी, अछाम ओ कैलाली अन्तर्गतके कार्यक्षेत्र स्थानीय तहमे स्थानीय आतकालिन कार्यसंचालन केन्द्र संचालनके लाग यी आघे टमान सामाग्री हस्तान्तरण करल रहे ।
