कर्मचारीमे कोरोना डेखलपाछे भूमिसुधारके सक्कु सेवा स्थागित

पहुरा समाचारदाता
धनगढी, ७ कुवाँर । भूमिसुधार तथा मालपोत कार्यालय धनगढीके एक कर्मचारीमे कोरोना पोजेटिभ आइलपाछे दुई दिनके लाग प्रशासनिक बाहेक सक्कु सेवा बन्द हुइल जनैले बा ।

भूमिसुधार तथा मालपोत कार्यालयसे बुधके सूचना प्रकाशित करके यिहे कुवाँर ९ गतेसमके लाग ्रशासनिक बाहेक सक्कु सेवा स्थागित करल मालपोट प्रमुख अधिकृत सुरेन्द्र केसी जनैलै ।

एक जाने कर्मचारीमे संक्रमण डेखल ओरसे बह्रटी सेवाग्राहीके चापके कारण और कर्मचारी ओ सेवाग्राही समेत संक्रमणके जोखिम रहल ओरसे यी कार्यालयके कर्मचारीनके पीसीआर टेष्ट रिपोर्ट नइआइटसमके लाग कार्यालयके प्रशासनिक सेवा बाहेक और सेवा स्थागित करल अधिकृत केसी जनैलै ।