वडा स्तरीय महिला सञ्जाल

इस्मिता कुश्मी
जोशीपुर, ८ कुवाँर । कैलाली जिल्लाके जोशीपुर गाउँपालिका वडा नम्बर २ मे विफेक रोज चुनकुमारी चौधरीके अध्यक्षतामे वडा स्तरीय महिला संजाल समूह गठन कैगिल बा ।

लुथ्ररन विश्व फेडरेशन नेपाल ओ दिगो विकास समाज भजनीसे संचालित ग्रामीण महिला सशक्तीकरण तथा अधिकार प्रवर्द्धन (पावर) परियोजना अन्तर्गत जोशीपुर गाउँपालिका वडा नम्बर २ के सहकार्यमे वडा स्तरीय महिला संजाल समूह गठन कैगिल हो । समिति गठन वडा सदस्य रुक्मनी महतो विकके अगुवाईमे कैगिल रहे ।

संजालके उपाध्यक्षमे मनिषा डंगौरा, सचिवमे सरिता डंगौरा, सहसचिवमे हिरा चौधरी, कोषाध्यक्षमे ज्ञानु चौधरी रहल बाटै । ओस्टेक सदस्यमे मीना चौधरी, रुक्मनी महतो विक, इन्द्रा कठरिया, जगतरानी डंगौरा, रामकुमारी महतो, निशा चौधरी, फूलमति देवी कुश्मी ओ रामदेवी कुश्मी रहल बाटै ।