मेचीमहाकाली बुहारी संयुक्त आवाजके अध्यक्षमे जागृती
पहुरा समाचारदाता
धनगढी, ९ कुवाँर । मेचीमहाकाली बुहारी संयुक्त आवाज नामक संस्थाके जिल्ला अध्यक्षमे महिला नेतृ एंव सामाजिक अभियन्ता जागृती वोगटी चयन हुइल बाटी ।
महिला तथा बालवालिका विरुद्धके हमार अभियान कना मूल नाराके साथ महिलाहरुको मानवअधिकार,सामाजिक न्याय,समानता,अर्थपूर्ण समान सहभागीता ओ अधिकारके लाग स्थापना हुइल मेचीमहाकाली बुहारी संयुक्त आवाज नामक संस्था से एक कार्यक्रमके विच बोगटीके अध्यक्षामे १३ सदस्यीय जिल्ला समिति गठन करल हो ।
जेकर उपाध्यक्षमे दुर्गा मल्ल, सचिवमे राधिका खड्का धामी, सहसचिवमे विन्दु बोगटी ओ कोषाध्यक्षमे आशा कुमारी चौधरी चयन हुइल बाटै कलेसे बाँकी ८ जाने सदस्य रहल बाटै । पटुहियाहुकन उप्पर अन्याय हुई नइडेना, डइजाहा प्रथा ओ बालविबाह अन्त्य कैना समिती क्रियाशिल रहना ओ महत्वपुर्ण भुमिका खेल्न सस्थाके अध्यक्ष जागृती बोगटी बटैली ।
समाजमे ढेर महिला बालबालिका टमान खालके हत्या हिंसा बलात्कार, बालबिबाह जैसिन कार्य हुइटी रहल ओरसे यकर विरुद्धमे आवाज उठैना जनाइल बा । मेची महाकाली बुहारी संयुक्त आवाज, यी देशके ढेर जैसिन जिल्लामे विस्तार हुइटी रहल बा ।
यकर शाखा विदेशमे समेत विस्तार हुइल बा । ‘मेची महाकाली बुहारी संयुक्त आवाजसे छाई पटुहिया ओ महिलामे केल सीमित नइरहिके समाजमे घट्न हरेक घटनाके विरुद्धमे आवाज उठैना बटाइल बा ।
