थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

सुदूरपश्चिममे ९९ संक्रमित ठप्लै

पहुरा | १० आश्विन २०७७, शनिबार
सुदूरपश्चिममे ९९ संक्रमित ठप्लै

पहुरा समाचारदाता
धनगढी, १० कुवाँर ।
सुदूरपश्चिम प्रदेशमे ९९ जाने कोरोना संक्रमित ठपल बाटै । सेती प्रादेशिक अस्पतालके प्रयोगशालामे पछिल्का २४ घण्टामे करल परिक्षणमे ६८ जाने ओ डडेल्धुरा अस्पतालके प्रयोगशालामे एक, बैतडी अस्पतालमे एक, डोटी अस्पतालके प्रयोगशालामे २८ करके ९९ जनहनमे संक्रमण पुष्टि हुइल हो ।

सेती प्रादेशिक अस्पतालके सूचना अधिकारी दिलिप श्रेष्ठके अनुसार धनगढी–१ मे ११ जाने, धनगढी–२ मे ६ जाने, धनगढी–३ मे ४ जाने, धनगढी–४ मे ३ जाने, धनगढी–५ मे एक जाने, धनगढी–६ मे ३ जाने, धनगढी–७ मे एक, धनगढी–८ मे पाँच ओ धनगढी कैलालीमे तीन जाने रहल बाटै ।

ओस्टेक गोदावरीमे ६, भजनी–४ मे ४ जाने, बर्दगोरियामे ५ जाने, घोडाघोडीमे २, महाकाली–४ कञ्चनपुरमे २, भीमदत्तनगर कञ्चनपुरमे ३ जाने, शुक्लाफाँटा कञ्चनपुरमे १, बेलौरी कञ्चनपुरमे ४, बेलडाँडी कञ्चनपुरमे ३, मंगलसेन अछाममे १ करके ६८ जाने रहल बाटै । जेम्ने १६ महिला ५२ पुरुष रहल बाटै । ओस्टेक डडेल्धुरा अस्पतालके प्रगोगशालामे विथडचिरके एक जाने रहल बाटै । सेती प्रादेशिक अस्पतालमे २९८ जानेक परिक्षण करल रहे । लौवा ठप संक्रमित कैलालीके ५८, कञ्चनपुरके १३, बैतडीके २, डोटीके १५, अछामके १४ ओ बझाङके एक करके ९९ जाने रहल बाटै । सुदूरपश्चिम प्रदेशमे सक्रिय संक्रमितके संख्या १०८५ पुगल सामाजिक विकास मन्त्रालय जनैले बा ।

ओस्टेक देशभर पछिल्का २४ घण्टामे १२०७ जाने कोरोनाभाइरस संक्रमित ठपल बाटै । शनिच्चरके नियमित प्रेस ब्रिफिङमे स्वास्थ्य मन्त्रालयके प्रवक्ता डा जागेश्वर गौतम उ जानकारी डेहल हुइट । यी संगे देशभर कोरोना संक्रमितके कुल संख्या ७१ हजार ८२१ पुगल बा ।

उहाँक अनुसार शनिच्चरके देशभर सक्रिय संक्रमितके संख्या १८ हजार ३४१ जाने रहल बा । जेम्ने संस्थागत आइसोलेशनमे ७ हजार ८३३ ओ होम आइसोलेशनमे १० हजार ५०८ जाने रहल बाटै ।
ओस्टेक शनिच्चरके पीसीआर १० हजार १९ जानेक हुइल बा । ओस्टेक गैल २४ घण्टामे १ हजार १४७ ओ ठिक हुइल बा कलेसे यी संगे देशभर हालसम ठिक हुइल कुल संख्या ५३ हजार १३ पुगल बा ।

कोरोनासे क्याम्पस प्रमुखके मृत्यु

बाँकेके बबई बहुमुखी क्याम्पस बर्दियाके प्रमुख विनोद अग्रवालके कोरोना संक्रमणसे नेपालगञ्जमे निधन हुइल बा ।

फोक्सोके क्यान्सरसे पीडित ५२ वर्षीय उहाँक चार दिनआघे स्वाब परीक्षण करेबेर कोरोना पुष्टि हुइल रहे । उहाँ होमआइसोलेशनमे बैठटी आइल रहिट ।

शनिच्चरके श्वासप्रश्वासमे समस्या हुइलपाछे उपचारार्थ नेपालगञ्जस्थित भेरी अस्पताल लैजैना क्रममे उहाँक निधन हुइल भेरी अस्पताल व्यवस्थापन समिति अध्यक्ष प्रमोद धिताल जानकारी डेलै । जिल्ला स्वास्थ्य कार्यालयके कोरोना स्रोतव्यक्ति नरेश श्रेष्ठ शव व्यवस्थापनके लाग आवश्यक समन्वय हुइटी रहल बटैलै ।

जनाअवजको टिप्पणीहरू