थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

धनगढी उप–महानगरपालिकासे ३६ सय ९९ के पिसिआर परीक्षण

पहुरा | ११ आश्विन २०७७, आईतवार
धनगढी उप–महानगरपालिकासे ३६ सय ९९ के पिसिआर परीक्षण

पहुरा समाचारदाता
धनगढी,११ कुवाँर ।
धनगढी उप–महानगरपालिकासे अँटवारसम लक्षण डेखल ओ कन्ट्राक्ट ट्रेसिङके आधारमे ३ हजार ६ सय ९९ जानेक पिसिआर परीक्षण करले बा ।


नगर क्षेत्रमे ट्राभल हिस्ट्री नइरहल व्यक्तिमे कोरोना संक्रमण विल्गाइलपाछे एक महिनासे समुदायमे क्याम्प धारके पिसिआर परीक्षण करटी रहल बा । टमान वडामे स्वावके नमुना संकलनके लाग क्याम्प संचालन करल नगरप्रमुख नृपबहादुर वड बटैलै । अँटवार केल बासुदेवी मावि रघुनगरमे क्याम्प धारके ५० जनाके स्वाव संकलन करल नगरप्मुख नृप वड बटैलै ।


स्वाव डेहुइयामे संक्रमित भेटल परिवारके सदस्य, प्रत्यक्ष सम्पर्कमे आइल व्यक्ति ढेर रहल स्वास्थ्य शाखाके अधिकृत लक्ष्मीराज उपाध्याय बटैलै । उहाँ कहदै, क्याम्पमे कोरोना पोजेटिभ रहलहुकनके फलोअप परीक्षणके लाग स्वाव संकलन कैना कामफे हुइटी रहल बा । धनगढीमे अभिनसम ५ सय ७१ जानेक कोरोनाके संक्रमण रहल अहेव दिपक सुनार बटैलै । उहाँ कहलै जौनमन्से १ सय ८९ महिला ओ ३ सय ८२ पुरुष संक्रमित बाटै ।


कोरोना संक्रमित सक्रिय केश १ सय १ जाने बाटै । अभिनसम ४ सय ६८ जानेक ठिक हुइल उप–महानगरपालिका स्वास्थ्य शाखा जनैले बा । अभिनसम धनगढीमे २ जानेक कोरोनाके कारण मृत्यू हुइल बा ।

जनाअवजको टिप्पणीहरू