थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

हेल्प फर ह्याप्पीनेससे बाल गृहहे सहयोग

पहुरा | ११ आश्विन २०७७, आईतवार
हेल्प फर ह्याप्पीनेससे बाल गृहहे सहयोग

पहुरा समाचारदाता
धनगढी, ११ कुवाँर ।
सामाजिक संस्था हेल्प फर ह्याप्पीनेस छैठौँ बरसमे प्रवेश करले बा ।

२०७२ सालमे स्थापना करल सामाजिक कार्यमे सक्रिय ह्पाप्पीनेस छैठौँ बरसमे प्रवेश करल हो । संस्थाके पाँचौ वार्षिकोत्सव सुदूरपश्चिम सहित अन्य प्रदेशमे समेत टमान कार्यक्रम आयोजना कैके मनाइल बा । हेल्प फर ह्याप्पीनेस टीम सुदूरपश्चिमसे फेन वार्षिकोत्सवके अवसर पारके टमान कार्यक्रम सम्पन्न करले बा ।

वार्षिकोत्सवके अवसरमे ह्याप्पीनेससे धनगढीमे रहल परिवार बाल गृहके विद्यार्थीहे सहयोग करले बा । बाल गृहमे आयोजना करल कार्यक्रममे ह्याप्पीनेससे विद्यार्थीहुक्रनके आँखी परीक्षण करटी शैक्षिक सामाग्री तथा कपडा सहयोग करले बा ।

हेल्प फर ह्याप्पीनेसके मेडिकल टीमके संयोजक दृष्टि विशेषज्ञ डाक्टर युवराज जोशीके समूहसे बाल गृहमे आश्रित विद्यार्थीके आँखी निःशुल्क परीक्षण करल रहे । ओस्टके विद्यार्थीहुक्रनहे कापी, कलम लगायतके शैक्षिक सामाग्री ओ कपडा वितरण करल ह्याप्पीनेस सुदूरपश्चिमके संयोजक घनश्याम भण्डारी जानकारी डेलै ।

संयोजक भण्डारीके अध्यक्षतामे बाल गृहमा आयोजना करल कार्यक्रमके बीच आँखी परीक्षण ओ शैक्षिक सामाग्री सहित कपडा वितरण करल रहे । कार्यक्रममे बोल्टी भण्डारी पाँच वर्षे यात्रामे साथ, सहयोग ओ हौसला प्रदान करुइया सक्कु जनहनहे धन्यवाद डेटी निस्वार्थ सामाजिक सेवाके कामहे निरन्तरता डेना बटैलै ।

उहाँ पाँच बरसके अवधीमे संस्थाहे सामाजिक उत्तरदायित्वप्रसत सर्मपित करटी अहोरात्र सेवामे खटुइया सदस्यहुक्रनहे समेत धन्यवाद डेटी अगामी दिनमे समेत निरन्तरताके विश्वास व्यक्त करलै । उहाँ ह्याप्पीनेसके अगुवाईमे हुइना सामाजिक काममे हातेमालो कैके उत्प्रेरणा थप्न सहयोग करुइया नागरिक समाजके अगुवा, स्थानीय प्रशासन, प्रहरी प्रशासन लगायतके पक्षके समेत प्रशंसा करल रहिट ।

कार्यक्रममे बोल्टी परिवार बाल गृहके सञ्चालिका सानु चौधरी वार्षिकोत्सवके अवसरमे ह्याप्पीनेसहे बधाई तथा शुभकामना डेहल रही । उहाँ ह्याप्पीनेससे वार्षिकोत्सवके अवसरमे बाल गृहमे आश्रित बालबालिकाहे सहयोग करलमे समेत धन्यवाद डेहल रही ।

कार्यक्रममे हेल्प फर ह्याप्पीनेस टीम सुदूरपश्चिमके असहाय सहयोग कोष, मेडिकल टीम, भेटेरिनरी टीम ओ मोटिभेसनल टीमके सदस्यहुक्रनके सहभागिता रहल रहे । संस्थाके सदस्य ललित ओझा कार्यक्रमके सञ्चालन करल रहिट कलेसे संस्थाके सदस्य अभिलाषा भण्डारी स्वागत मन्तव्य राखल रही ।

‘खुशीके लाग सहयोग’ कना उद्देश्यके साथ २०७२ साल पोखराके युवा नविन तिवारीके अगुवाईमे स्थापना करल हेल्प फर ह्याप्पीनेसमे टमान क्षेत्रके क्रियाशिल युवा आवद्ध रहल बाटै ।

अब्बे कैलाली, बुटवल, पोखरा, चितवन, नवलपरासी, काठमाडौँ, रुपन्देही लगायतके जिल्लामे हेल्प फर ह्याप्पीनेस क्रियाशिल रहल बा ।

जनाअवजको टिप्पणीहरू