मसुरिया बजारमे सीसी क्यामेरा जडान

पहुरा समाचारदाता
मसुरिया, १२ कुवाँर । कैलालीके मसुरिया बजारमे सीसी क्यामरा जडान करल बा । गौरीगंगा नगरपालिकाके सहयोगमे मसुरिया बजारके मुख्य चोकमे ५ ठो सीसी क्यामरा जडान करल हो ।

इलाका प्रहरी कार्यालयसे सुरक्षा, निगरानी ओ अनुगमन कैना मेरके सीसी क्यामरा जडान करल वडा नम्बर ९ के अध्यक्ष हरिप्रसाद तिवारी बटैलै । सीसी क्यामरा जडान करलपाछे बजार क्षेत्रमे रातके समयमे हुइना आपराधिक घटना, चोरी ओ राजमार्गमे हुइना सडक दुर्घटना नियन्त्रणमे सहयोग पुग्ना विश्वास स्थानीयके रहल बा ।