धनगढी लायन्स क्लबसे बाढ प्रभावितहे राहत

पहुरा समाचारदाता
भजनी, १२ कुवाँर । धनगढी लायन्स क्लबसे प्रस्तावित भजनी लायन्स क्बलके समन्वयमे बाढे प्रभावित परिवारके लाग भजनी नगरपालिकाहे राहत हस्तान्तरण करल बा ।

अँट्वारके एक कार्यक्रमके बिच टीकापुर लायन्स क्लबके आयोजनामे राहत सामग्री हस्तान्तरण करल हो । उ सामग्री भजनी नगरपालिकाके उपप्रमुख छाया देवकोटाहे हस्तान्रण करल हो । बाढ प्रभावित २ सय ५० घर परिवारके लाग चाउर, दाल, नोन तेल लगायत खाद्यान्न सामाग्री नगरपालिकाहे हस्तान्तरण करल समाजसेवी तथा प्राध्यापक पुष्पराज जैशी जानकारी डेलै ।

यिहे बिच प्रस्तावित लायन्स क्ल्ब भजनी कैलालीके २९ सदस्यीय तदर्थ समिती गठन करगैल बा । राहत हस्तान्तरण कार्यक्रममे वडा न ३ के अध्यक्ष बिक्रम चौधरी, लायन्स क्षेत्रीय संयोजक सरोज शाह लगायत समाजसेवी, वुद्धिजीवी, शिक्षक कर्मचारी, ब्यापारी, युवाहुक्रनके सहभगिता रहल रहे ।