गौरीगंगासे डेजैना सेवा २० गतेसम स्थगित

पहुरा समाचारदाता
धनगढी, १३ कुवाँर । कैलालीके गौरीगंगा नगरपालिकामे कार्यरत कर्मचारीमे कोरोना संक्रमण पुष्टि हुइलपाछे अत्यावश्यक बाहेकके सक्कु सेवा बन्द करल बा ।

मंगरके एक विज्ञिप्त जारी करटी नगरपालिकासे कुवाँर १४ गतेसे २० गतेसमके लाग कार्यालयसे प्रदान करजैना अत्यावश्यक बाहेकके सक्कु सेवा स्थगित करल जनैले बा ।

साथे समुदाय स्तरमे कोरोनाके जोखिम कायमे रहल कहटी सरकारसे जारी करल स्वास्थ्य सम्बन्धी सम्पूर्ण मापदण्ड पालना कैके दैनिक क्रियाकलाप कैना समेत नगरप्रमुख भिमबहादुर देउवा आग्रह करले बाटै ।