वडा कार्यालयके नवनिर्मित भवनके उद्घाटन

पहुरा समाचारदाता
हसुलिया, १३ कुवाँर । कैलारी गाउँपालिका वडा नम्बर ४ वडा कार्यालयके नवनिर्मित भवनके मंगरके उद्घाटन करल बा ।

गाउँपालिकाके अध्यक्ष लाजुराम चौधरी एक कार्यक्रमके बीच नवनिर्मित भवनके उद्घाटन करलै । वडा अध्यक्ष भिखराम चौधरीके अध्यक्षतामे हुइल कार्यक्रममे नेपाली काँग्रेसके नेता राजसमझ चौधरी, स्थानीयवासी लगायतके उपस्थिति रहल रहे ।

के गाउँ खल्लास्थित कालिका मन्दिर परिसरमे वडा कार्यालयके नयाँ भवन निर्माण करल बा । तीन कोठे नयाँ भवनमे एक ठो हलफे रहल बा । ३७ लाख ५० हजार रुपैयाँ लागतमे भवन निर्माण हुइल हो । वडा भवन निर्माणके लाग गाउँपालिकाके कार्यालयसे २० लाख ओ जिल्ला समन्वय समितिसे १७ लाख ५० हजार रुपैयाँ बजेट डेहल वडा सचिव हेमराज ढुङ्गाना जानकारी डेलै ।