थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

‘स्वयंसेविका स्वास्थ्य क्षेत्रके आधार’

पहुरा | १४ आश्विन २०७७, बुधबार
‘स्वयंसेविका स्वास्थ्य क्षेत्रके आधार’

पहुरा समाचारदाता
धनगढी, १४ कुवाँर ।
धनगढी उपमहानगरपालिकाके नगरप्रमुख नृपबहादुर वड महिला स्वास्थ्य स्वयं सेविका स्वास्थ्य क्षेत्रके मेरुदण्ड हुइल बटैले बाटै ।

बुधके धनगढी उपमहानगरपालिका ओ एनडिआर नेटसे आयोजना करल प्रदेश तथा स्थानीय कार्यकर्ताके लाग कोभिड–१९ प्रतिकार्य सहजीकरण सम्वन्धी अभिमूखीकरण कार्यक्रममे बोल्टी नगरप्रमुख वड यैसिन धारणा राखल हुइट । ‘अब्बे कोभिडके महामारी फैलल बा । नगरप्रमुख वड कहलै, ‘कोभिडके बारेमे समुदायतहमे जनचेतना फैलैना काममे यहाँ सक्रिय रहबी ।’ ‘चाडबाड लग्गे आइल बा नगरप्रमुख वड कहलै, ‘मालसामान खरिद करेक लाग बजारमे निक्रेबेर हुलमे नइनिकरिट कना मेरके समुदायमे जनचेतना फैलैना महिला स्वास्थ्य स्वयंसेविकासंग अनुरोध करटु ।’

‘सक्कुहुनसंग सेनीटाईजर नइहुई सेकठ नगरप्रमुख वड कहलै, ‘कम्तीमे साबुन पानी उ फे नइहुइलेसे खरानी पानीसेफे हात घुई सिखैना यहाँहुकनसंग अनुरोध करटु ।

धनगढी उपमहानगरपालिकासे श्रोत साधानसे भ्याइटसम महिला स्वास्थ्य स्वयं सेविकाहुकनके लाग स्वास्थ्य सामाग्री उपलब्ध कराइल नगरप्रमुख वड जानकारी डेलै । कार्यक्रममे धनगढी उपमहानगरपालिका स्वास्थ्य शाखा प्रमुख डाक्टर खगेन्द्र बम, विपद उत्थानशिल सञ्जालके केन्द्रीय संयोजक दिनेश चन्द्र जोशी, संस्थाके अध्यक्ष योगेन्द्र ओझा ओ जनस्वास्थ्य निरिक्षक लक्ष्मीराज उपाध्याय सहजीकरण करले रहिट ।

जनाअवजको टिप्पणीहरू