थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ अगहन २६४३, बिफे ]
[ वि.सं १८ मंसिर २०७७, बिहीबार ]
[ 03 Dec 2020, Thursday ]

सांसद रेशमके रिहाईके लाग देशभर अभियान चलैना

पहुरा | ५ कार्तिक २०७७, बुधबार
  • 354
  •  
  •  
  •  
  •  
  •  
  •  
  •  
    354
    Shares
सांसद रेशमके रिहाईके लाग देशभर अभियान चलैना

पहुरा समाचारदाता
काठमाडौं, ५ कार्तिक ।
जसपासे टीकापुर घटनाके कारण थुनामे रहल कैलाली–१ से निर्वाचित संघीय सांसद रेशम चौधरी लगायतके रिहाइके लाग देशभर अभियान चलैना जनैले बा ।

मंगरके काठमाडौंमे हुइल जसपाके केन्द्रीय कार्यकारिणी समितिके बैठकसे उ निर्णय करल हो । ओस्टके केन्द्रीय कार्यकारिणी समितिके बैठकसे विधान संशोधन कैके केन्द्रीय समितिमे ८०१ सदस्य रहना निर्णय करल बा । यिहीसे आघे केन्द्रीय समिति ७०१ सदस्यीय रहे ।

जसपाके उक्त बैठकसे संघीय परिषद् गठन फेन करल बा । जेकर अध्यक्षके जिम्मेवारी डा. बाबुराम भट्टराईहे डेहल बा । संघीय परिषद केन्द्रीय समितिसे उप्परकृे निकाय हुइना व्यवस्था बा । यिहीसे हिसाबसे नेता भट्टराईके वरियता पहिल नम्बरमे हुइना बा ।

जसपाके केन्द्रीय समितिके अध्यक्षमे महन्थ ठाकुर ओ उपेन्द्र यादव रहना पहिले तय हुइल रहे । अशोक राई ओ राजेन्द्र महतो वरिष्ठ नेता रहल बाटै । जसपाके नेता हेमराज राईके अनुसार बैठकसे पार्टीके प्रदेश, जिल्ला ओ स्थानीय तहके समायोजन आगामी अगहन मसान्तसम करसेक्ना निर्णय फेन करल बा । जेकर लाग कार्यदल गठन करल बा ।

बैठकसे जसपाके केन्द्रिय कार्यकारिणी सदस्यमे रेशम चौधरी, राज कुमार लेखी, गोविन्द चौधरी मनोनीत हुइल बाटै । कलेसे ८०१ जनहनके केन्द्रिय सदस्य मध्य ३२ जाने थारु समेत रहल जनाइल बा ।

  • 354
    Shares

जनाअवजको टिप्पणीहरू