थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०६ चैत २६४७, मंगर ]
[ वि.सं ६ चैत्र २०८०, मंगलवार ]
[ 19 Mar 2024, Tuesday ]

कुटी बछेडा पुलके शिलान्यास

पहुरा | ५ कार्तिक २०७७, बुधबार
कुटी बछेडा पुलके शिलान्यास

पहुरा समाचारदाता
धनगढी, ५ कार्तिक ।
गोदावरी नगरपालिका–६, मे पर्ना कुटी बछेडा सडक पुल आयोजनाके शिलान्यास करल बा ।

सुदूरपश्चिम प्रदेश सभा सदस्य चुनकुमारी चौधरी बुधके रोज पुलके शिलान्यास करल हुइटी । पुलके शिलान्यास करटी प्रदेश सभा सदस्य चौधरी बर्षाके बेला स्थानीयसे लम्मा डगरा प्रयोग करटी आइलमे पुल निर्माण पाछे सहज हुइना बटैली ।

उहाँ निर्माण कम्पनीहे समयमे नै पुलके निर्माण सम्पन्न कैके आवागमनमे सहज कराडेना आग्रह करली ।

सुदूरपश्चिम प्रदेश पुर्वाधार विकास कार्यालयके साढे ३ करोड लागतमे निर्माण हुइना जनाइल बा ।
लागत अनुमान ४ करोड १६ लाख ८९ हजार २९१.५० रुपैया रहल पुलके एलबि एण्ड एबि बिल्डर्स प्रालि धनगढी ३ करोड ५८ लाख २२ हजार १३७.८० रुपैयामे २०७७ असार २९ गते ठेक्का सम्झौता करल हो ।

२०७८ मंसिर २९ गते भित्रे निर्माण सम्पन्न कैना सम्झौता हुइल उ पुलके निर्माणपाछे, स्वास्थ्य उपचार लगायतके अन्य सुबिधाके लाग सहज हुइना स्थानीय बटैले बाटै ।

जनाअवजको टिप्पणीहरू