थारु भाषाके पहिल बालगीतके विमोचनन (भिडियाेसहित)

पहुरा समाचारदाता
धनगढी, ७ कार्तिक । थारु भाषाके पहिल बालगीत ‘उक्रुङ बुक्रुङ…’ के विमोचन हुइल बा ।

थारु बालबालिकाहुकनसे अत्याधिक रुचाइल बालगीत ‘उक्रुङ बुक्रुङ…’ विमोचनसंगे उ गीतके भिडियो युट्यूवसे सार्वजनिक हुइल बा । हमार म्युजिक बगियाके अफिसियल युट्यूव च्यानलसे उ बालगीतके भिडियो सार्वजनिक हुइल हो । थारु भाषक पहिल बाल गीतके विमोचन धनगढी उपमहानगरपालिकाके नगर प्रमुख नृप वड करले रहिट ।

कार्यक्रममे उहाँ विकासके लाग लर्कनहे सभ्य बनैना जरुरी रहल बटैलै । उहाँ कहलै, अपन, कला, संस्कृति जोगाई सेक्लेसे पहिचान जोग्ना बटैलै । कार्यक्रममे थारु कलाकार मञ्चके अध्यक्ष विनय बैद्य, मञ्चके प्रदेश अध्यक्ष संगत चौधरी, थारु कल्याणकारिणी सभा कञ्चनपुरके उपसभापति सानु चौधरी लगायत मन्तव्य व्यक्त करले रहिट ।

हमार म्युजिक बगियाके अध्यक्ष वीर चौधरीके अध्यक्षतामे हुइल कार्यक्रममे बालगीतके बारे ठाकुरप्रसाद करियाप्रधान जानकारी डेहल रहिट । कार्यक्रममे धन्यवाद गीता चौधरी ओ संचालन सुनिता चौधरी करले रहिट । भिडियोमे मनिष थारू, श्रविना चौधरी, ऋष्टिना चौधरी, सानु हरदिउला ब्रेभिया चौधरी लगायतके अभिनय रहल बा ।

शब्द संकलन इन्दु थारूके रहल गीतमे संगीत संयोजन सिएल चौधरीके रहल बा । गीतमे बाल कलाकार मनिष थारू ओ अमृता चौधरी स्वर भरले बाटै ।

थारू बालगीत भिडियाे