सुदूरपश्चिममे १३२ जाने संक्रमित ठपलै

पहुरा समाचारदाता
धनगढी, ७ कार्तिक । सुदूरपश्चिम प्रदेशमे शुकके रोज १३२ जाने लौवा कोरोना भाइरसके विमारी ठपल बाटै ।

सामाजिक विकास मन्त्रालय सुदूरपश्चिम प्रदेशसे डेहल जानकारी अन्सार पछिल्का २४ घण्टामे १३२ जाने लौवा संक्रमित ठपल हुइट ।

टमान कोरोना प्रयोगशालामे करल परिक्षणमे सबसे ढेर कैलालीके ९७, कञ्चनपुरमे ११, बैतडीमे १, बझाङमे ३, दार्चुलामे ५, ओ डोटीमे २ जाने करके १३२ जाने संक्रमित ठपल बाटै । ओस्टेक शुकके रोज २१ जाने ठिक हुके घर लौटल बाटै ।