भजनीमे कोभिड१९ के पूर्व तयारी तथा प्रतिकार्य कार्यशाला गोष्ठी निम्जल

पहुरा समाचारदाता
भजनी, १५ कुवाँर । भजनी नगरपालिकामे कोभिड-१९ के पूर्व तयारी तथा प्रतिकार्य कार्यक्रम अन्र्तगत योजना निर्माण कार्यशाला गोष्ठी सम्पन्न हुइल बा ।

यूनिसेफ नेपालके सहयोग तथा भजनी नगरपालिकाके समन्वय ओ नेपाल रेडक्रस सोसाइटी कैलाली शाखाके आयोजनामे कार्यक्रम हुइल हो । कार्यक्रम भजनी नगरपालिकाके उपप्रमुख छाया देवकोटाके अध्यक्षतामे हुइल हो ।

भजनी नगरपालिकामे कोभिड-१९ पूर्व तयारी तथा प्रतिकार्य योजना तयार कैना ओ कार्यान्वयन कैना उद्देश्यसे हल नेपाल रेडक्रस सोसाइटी सुदूरपश्चिम प्रदेश कोर्डिनेटर खेम प्रसाद भट्टराइ बटलै ।

कार्यक्रममे कोभिड-१९ पूर्व तयारी तथा प्रतिकार्य योजनामे सूचना, समन्वय ओ खोज तथा उद्दार, खानेपानी, सरसफाइ तथा स्वच्छता, स्वास्थ्य, शिक्षा, पोषण तथा संरक्षण, गैरखाद्य, पुर्ननिर्माण, पुनः स्थापना र बन्दोबस्ती, वन वातावरण, पर्यटन नदी नियन्त्रण क्षेत्रगत समुहके वर्तमान अवस्था विश्लेषण ओ आगामी योजना तयार कके कार्यन्वायन कैना गोष्ठीसे निर्णय करल उपप्रमुख देवकोटा बटैली ।

कार्यशाला गोष्ठीमे नेपाल रेडक्रस सोसाइटी जिल्ला शाखा सभापति उत्तम जोशी, नेकपा नगर अध्यक्ष छोटेलाल चौधरी, नेपाली कांग्रेस नगर सभापति टेकराज न्यौपाने, जनता समाजवादी संघीय परिषद सदस्य डिल्ली राज जोशी, कार्यपालिका सदस्य कमला ज्ञवाली, भगवती चौधरी, चन्दकला बिक, भुन्टे राजी, नेपाल रेडक्रस सोसाइटी उपशाखा भजनी ओ लालबोझीके सभापति नुमाकान्त खड्का, दत्ताराम जैशी, इलाका प्रहरी कार्यालय भजनीके प्रतिनिधि ओ प्राथमिक स्वास्थ केन्द्रके प्रतिनिधिहुक्रनके सहभागी रहल रहे ।