थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

टीकापुर राजबन्दी परिवारहुकन सहयोग

पहुरा | १५ आश्विन २०७७, बिहीबार
टीकापुर राजबन्दी परिवारहुकन सहयोग

धनगढी, १५ कुवाँर । थरुहट/थारूवान राष्ट्रिय मोर्चा जिल्ला संयोजन समिति कैलाली विफेक रोज टीकापुर राजबन्दी परिवारहे डशैहा खर्च हस्तान्तरण करले बा ।

अमेरिकाके क्यालिफोर्निया बैठुइया राम राईके एक लाख रुप्या बराबरके सहयोग नगद ओ जिन्सी सामान हस्तान्तरण करल हो । थरुहटरथारूवान राष्ट्रिय मोर्चा जिल्ला संयोजन समिति कैलालीसे जोशीपुरमे आयोजित डशियाके शुभकामना लेनडेन कार्यक्रममे टीकापुर राजबन्दी परिवारहे डशैहा खर्च हस्तान्तरण करल मोर्चाके जिल्ला संयोजक माधव चौधरी बटैलै ।

टीकापुर राजबन्दी परिवारहे डशैहा खर्च कहिके प्रतिव्यक्ति १० जनहनमे नगद रु. तीन/तीन हजार, प्रतिव्यक्ति १००/१०० केजी चाउर, दाल २/२ किलो, ५/५ लिटर खैना तेल करके जम्मा रु. १ लाख बराबर नगदी ओ जिन्सी सामान हस्तान्तरण जिल्ला संयोजक माधव बटैलै ।

थरुहट÷थारूवान राष्ट्रिय मोर्चाके संयोजक लक्ष्मण थारुके वडका पहुनामे हुइल कार्यक्रममे पूर्व राज्यमन्त्री जनकराज चौधरी विशिष्ट पहुना रहिट । ओस्टेक कार्यक्रममे मोर्चाके केन्द्रीय सदस्य राम प्रसाद चौधरी, जसपाके नेता दिनेश चौधरी, सुशिला चौधरी, राजाराम चौधरी लगायत रहिट । कार्यक्रमके संचालन जिल्ला प्रवक्ता चुन्नीराम चौधरी करले रहिट ।

उहाँ जेलजीवन बिटैरहल वृजमोहन चौधरी, राजेश चौधरी, सीताराम चौधरी, राजकुमार कठरिया, सुन्दर कठरिया, प्रदिप चौधरी, श्रवण चौधरी, हरिनारायण चौधरी, वीरबहादुर चौधरी, गंगाराम चौधरीके घरपरिवारहे सहयोग करल बटैलै ।

जनाअवजको टिप्पणीहरू