मुक्तिनाथ बैंकसे बसपार्कमे पिनापानी ट्यांकी स्थापना

पहुरा समाचारदाता
धनगढी, १६ कुवाँर । मुक्तिनाथ विकास बैंक धनगढीसे बसपार्कमे पिना पानीके टयांकी स्थापना करल बा । बसपार्कमे पुगुइया यात्रुहुक्रनके सहजताके लाग मुक्तिनाथ विकास बैंकके धनगढी शाखासे पिनापानी ट्यांकी स्थापना करल हो ।

सुन्दर सुदूरपश्चिम यातायात प्रालिके टिकट काउण्टर लग्गे स्थापना करल ट्यांकी शुकके रोज हस्तान्तरण ओ उद्धघाटन करल बा । धनगढी उपमहानगरपालिका वडा नम्बर ४ के वडाध्यक्ष दीपक कुमार थापा उद्धघाटन करल हुइट । बसपार्कमे पिनापानी ट्यांकी स्थापना हुइलपाछे यात्रुहुक्रनहे सहज हुइना सुन्दर सुदूरपश्चिम यातायात प्रालिके अध्यक्ष पदम सापकोटा बटैलै ।