अपाङ्गता रहल व्यक्तिनहे सहायक सामग्री वितरण

पहुरा समाचारदाता
धनगढी, १७ कुवाँर । कैलाली जिल्लाके धनगढी उपमहानगरपालिका भिटरके अपाङता रहल व्यक्तिनहे सहायक सामग्री वितरण बा । लकबन्दीसे प्रभावित हुके घर भिटरे हेग्नामुटना बाध्य रहल ५० जाने ढेर अशक्त ओ पूर्ण अशक्त अपांगता रहल व्यक्तिहुकनहे सहायक सामग्री व्हिलचियर, ट्राइसाईकल वितरण करल हो ।

अपांगता रहल व्यक्तिहुकनके अवस्था अध्ययन तथा सहायक सामग्री नापजाँच कार्यक्रम करके करिब १५ लाख बराबरके सहायक सामग्री वितरण करल अपांगता क्षेत्रमे कार्यरत अधिकारकर्मी नन्दराज भट्ट जानकारी डेलै ।

सहायक सामग्री नापजाँच समावेशी पारा स्पोर्ट्स क्लवके आयोजनामे जुरी नेपाल ओ दलित कल्याण समाज संघ कैलालीके सहयोगमे सम्पन्न करल रहे । कलेसे सर्वाविङण अपांगता विकास समाज नेपालके आयोजनामे हुइल कार्यक्रममे सामग्री सहयोग राष्ट्रिय अपांगता पुनःस्थापन समाज, धनगढी उपमहानगरपालिकाके आर्थिक सहयोगमे धनगढी उपमहानगर भिटरके २४ जनहनहे ट्राइसाईकल २६ जनहनहे व्हिल्चियरवाकर, धनगढी उपमहानगरपालिकके नगर प्रमुख नृपबहादुर वड वितरण करल रहिट ।

सहायक सामग्री वितरण करटी उहाँ अइना दिनमेफे अपांगता शसक्तिकरण ओ क्षमता विकासके लाग सदा सहयोग कैना प्रतिवद्धता जनैले बाटै । कार्यक्रममे नगरपालिकाके सामाजिक विकास अधिकृत टंक विष्ट, राष्ट्रिय अपांगता पुनःस्थापन समाजके प्रमुख सुगम भट्टराई, गोकुल घिमिरे लगायत अपांगता क्षेत्रमे कृयाशिल व्यक्तिहुकनके उपस्थिति रहल रहे ।