थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

कोरोना संक्रमणमे चीनहे जिटल नेपाल

पहुरा | १८ आश्विन २०७७, आईतवार
कोरोना संक्रमणमे चीनहे जिटल नेपाल

पहुरा समाचारदाता
धनगढी, १७ कुवाँर ।
कोरोना भाइरस (कोभिड–१९) संक्रमण दरमे चीनसे नेपाल जिटल बा । चीनके कोरोना संक्रमण दरमे नेपाल १३ सय ७३ ढेर हुइल बा ।

कोरोना भाइरस चीनके वुहान प्रान्तसे सुरु हुके अब्बे नियन्त्रण उन्मुख हुइल बा, कलेसे नेपालमे संक्रमणदर उच्च हुइटी जाइटा । विश्वभरके कोरोना संक्रमणके तथ्याङ्क रख्टी आइल वल्र्ड मिटरके अनुसार अँटवार साँझसम कोरोना संक्रमण दरमे नेपाल चीनसे आघे आइल हो । मने ज्यान गुमाइल संख्यामे भर नेपाल पाछे रहल बा ।

चीनमे कुल संक्रमित संख्या ८५ हजार ४ सय ५० रहल केल रहल बा कलेसे नेपालमे अँटवार साँझसम कुल संक्रमितके संख्या ८६ हजार ८ सय २३ पुगल बा । मृत्यूदरमे नेपालमे पाछे रहल (५३५) रहलेसेफे संक्रिय संक्रमितमे आघे रहल बा । नेपालमे संक्रिय संक्रमित २२ हजार २ सय १९ रहल । चीनमे भर जम्मा १ सय ९५ केल डेखाइल बा । नेपालमे ठिक हुइलके संख्या ६४ हजार ६९ रहल बाटै ।

शनिच्चरके रोज नेपाल ४६ औ स्थान, जापान ४५औं स्थानमे ओ चीन ४४ औ स्थानमे रहल रहे । तथ्याङक अनुसार अँटवारके रोज नेपाल दुई देशसे अगेलके नेपाल ४४औ स्थानमे आइल बा ।
वल्र्ड मिटरमे अब्बे एक स्थानमे अमेरिका रहल बा जहाँ अँटवारसम ७६ लाख १ हजारसे ढेर संक्रमित बाटै कलेसे २ लाख १४ हजारसे ढेरके ज्यान गैल बा । दुसरा स्थानमे भारत रहल बा जहाँ ६५ लाख ५३ हजारसे ढेर संक्रमित बाटै, उहाँ १ लाख १ हजारसे ढेरके कोरोनासे ज्यान गैल बा ।
विश्वभर कोरोना संक्रमित संख्या ३ करोड ५१ लाख ८२ हजारसे ढेर ओ ज्यान गुमुइयाके संख्या १० लाख ३८ हजार ८ सय १० रहल बाटै ।

देशभर २२ सय ५३ संक्रमित ठप्लै

पछिल्का २४ घण्टामे देशभर थप २२५३ जनहनमे कोरोनाभाइरस (कोभिड–१९) संक्रमण पुष्टि हुइल बा । अँटवारके नियमित प्रेस ब्रिफिङमे स्वास्थ्य मन्त्रालयके प्रवक्ता डा जागेश्वर गौतम उ जानकारी डेलै ।

उहाँक अनुसार अँटवार देशभर सक्रिय संक्रमित २२ हजार २१९ रहल बाटै । जेम्ने संस्थागत आइसोलेसनमे १० हजार ३२६ ओ होम आइसोलेसनमे ११ हजार ८९३ जाने रहल बाटै ।

ओस्टेक देशभर कोरोना ठिक हुइलके संख्या ६४ हजार ६९ पुगल बा । ओस्टेक कोरोनासे अँटवार ठप ७ जानेक मृत्यु हुइल बा । यी संगे कोरोनासे मृत्यु हुइनाके संख्या ५३५ पुगल बा ।

अँटवारके रोज सुदूरपश्चिम प्रदेशके कैलालीमे ५५, कञ्चनपुरके २१, डडेल्धुरा, बझाङ ओ बैतडीमे एक÷एक करके ७९ जाने लौवा संक्रमित ठपल बाटै ।

जनाअवजको टिप्पणीहरू