थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

पूर्ण सरसफाई सम्बन्धी अभिमुखीकरण

पहुरा | १९ आश्विन २०७७, सोमबार
पूर्ण सरसफाई सम्बन्धी अभिमुखीकरण

पहुरा समाचारदाता
हसुलिया, १९ कुवाँर ।
कैलारी गाउँपालिका वडा नम्बर ३ अन्तर्गतके भलमन्सा ओ महिला स्वास्थ्य स्वयम्सेविकाहुक्रनहे पूर्ण सरसफाई तथा पिना पानीबारे अभिमुखीकरण करगिल बा ।

गाउँपालिकाके खानेपानी शाखा प्रमुख तर्कराज जोशी उहाँहुक्रनहे अभिमुखीकरण करल रहिट । ‘सुरक्षित खानेपानी, स्वस्थ्य जिन्दागानी’ नारा सहित उहाँ सरसफाई ओ पीना पानीबारे जानकारी कराइल रहिट ।

फोहर पानी प्रगोगसे गाउँघरमे आभिन फेन ढिउर जाने पानी जन्य रोगसे ग्रसित रहल बाटै । दूषित पानी प्रयोगसे पत्थरी, आउ, हैजा, झाडा पखाला लगायत रोग लग्ना जनाइल बा । गाउँघरमे आभिन फेन ढिउर जाने सरसफाईबारे अनभिज्ञ रहल बाटै । जिहीसे गाउँघर टोल फोहरसे फेन ढिउर रोग लग्ना करल बा ।

शाखा प्रमुख जोशी गाउँघरके अधिकांश व्यक्ति आभिन फेन दुषित पानी प्रयोग करटी रहल बटैलै । उहाँ सरसफाई ओ पानीसे लग्ना रोगबारे जनचेनताके कमीसे फेन ढिउर जाने आर्सेनिक, कोलिफर्मयुक्त पानी प्रयोग कैटी रहल जनैलै । यकर लाग उहाँ सरसफाई सहित स्वच्छ ओ सुरक्षित पानीबारे जनमानसमे जनचेतना जनगैना आवश्यक रहल बटैलै ।

उहाँ अभिमुखीकरण कार्यक्रममे पानी शुद्धिकरण कैना उपाय ढिकाके पानी शुद्धिकरण कैना विधि, सोडिस वा घामसे शुद्धिकरण कैना विधी, क्लोरिनेशन विधि, फिल्टर विधि लगायत बारे जानकारी कराइल रहिट ।

कार्यक्रममे वडा अध्यक्ष कैलाश कुश्मी, वडा सदस्य, लगायत टमान गाउँके भलमन्सा, महिला स्वयम सेविकाहुक्रनके सहभागिता रहल रहे ।

जनाअवजको टिप्पणीहरू