कैलारी गाउँपालिका सक्रिय सङ्क्रमितमुक्त

पहुरा समाचरदाता
हसुलिया, १९ कुवाँर । कैलालीके टमान स्थानीय तहमे कोरोना सङ्क्रमित ठप्टी गैल बेला कैलारी गाउँपालिका भर सक्रिय सङ्क्रमितमुक्त हुइल बा ।

गाउँपालिकाके बैजपुरस्थित आइसोलेसनमे रहेका एक जाने सङ्क्रमित ठिक हुके घर गैलपाछे उ गाउँपालिका सक्रिय सङ्क्रमितमुक्त हुइल हो । उ सङ्क्रमितके सोम्मार स्वाब परीक्षण रिपोर्ट निगेटिभ आइल जनाइल बा । उहाँक टिसरा परीक्षणमे रिपोर्ट नेगेटिभ आइल उ गाउँपालिकामे कार्यरत स्वास्थ्यकर्मी कुसुम चौधरी जानकारी डेलै ।

ओस्टेक करके, गैल शुकके संकलन करल २२ जानेक स्वाब नमूनाके रिपोर्टफे नेगेटिभ आइल बा । कैलारी गाउँपालिकामे हालसम सङ्क्रमितके संख्या ४७ रहल बा । सङ्क्रमित सक्कु ठिक हुइलपाछे सक्रिय सङ्क्रमितके संख्या शून्यमे झरल बा ।

कैलारी गाउँपालिकाके कार्यालयमार्फत हालसम ९५२ जानेक स्वाब परीक्षण करल स्वास्थ्य संयोजक वीरेन्द्र सापकोटा जानकारी डेलै । उहाँक अनुसार वडा नम्बर ४ का ९/१० जाने व्यक्ति भारतसे लौटटी । गाउँपालिकाहे आब बाहेरसे अइना व्यक्तिसेफे आसपासके पालिकामे बढटी रहल सङक्रमणसे ढेर खतरा रहल उहाँ बटैलै ।