थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

यात्रु सहायता कक्ष स्थापना

पहुरा | २० आश्विन २०७७, मंगलवार
यात्रु सहायता कक्ष स्थापना

पहुरा समाचारदाता
अत्तरिया, २० कार्तिक ।
कैलालीके अत्तरिया सहित सुदूरपश्चिमके नौ जिल्लामे यात्रु सहायता कक्ष स्थापना करल बा ।

लच्क्याइटी रहल डस्या, डेवारी तथा छठ टिहवारहे मध्यनजर करटी यात्रुहुक्रनके सहजताके लाग सुदूरपश्चिम ट्राफिक प्रहरी अत्तरियाके बसपार्क सहित सुदूरपश्चिके सक्कु जिल्लामे यात्रु सहायता कक्ष स्थापना करल हो । सुदुरपश्चिम प्रदेश ट्राफिक प्रहरी कार्यालय अत्तरिया ओ गोदावरी नगरपालिकाके सहकार्यमे अत्तरिया बसपार्कमे स्थापना करल सहायता कक्षके मंगरके गोदावरी नगरपालिका नगरप्रमुख हरिसिं साउँद व्यानर पढके उद्धघाटन करल रहिट ।

टरटिहारमे बसपार्कमे यात्रुहुक्रनके भिड बर्हना हुइल ओरसे यात्रुके चापहे व्यवस्थित कैना, सिमा नाकामे यात्रुउपर हुइना दुव्र्यवहार रोक्न, यात्रुहे आवत जावतमे सहज वातावरण मिलैना, सार्वजनिक यातायातके सवारीमे यात्रुहे हुइ सेक्ना हैरानी, ढिउर भाडा असुली तथा असहजता व्यवस्थापन कैना ओ यात्रुके सुरक्षित यात्रा करैना उद्देश्यसे सहायता कक्ष स्थापना करल सुदूरपश्चिम प्रदेश ट्राफिक प्रहरी कार्यालय अत्तरियाके प्रमुख प्रहरी उपरीक्षक बामदेव गौतम बटैलै ।

साथे उहाँ बसपार्क तथा सवारी साधनमे आवतजावत करटी रहल यात्रुहे मास्क समेत बितरण करगिल रहे । सहायता कक्षमे ट्राफिक प्रहरीके नियमित उपस्थिति रहना बटैटी उहाँ यात्रुहुक्रनहे कौनो समस्या हुइलेसे सहायता कक्षमे आपन गुनासा राखे सेक्ना बटैलै । मंगरके नै सुदूरपश्चिम प्रदेश ट्राफिक प्रहरी कार्यालय मातहतके जिल्ला ट्राफिक प्रहरी कार्यालके सक्कु जिल्ला तथा अस्थाई ट्राफिक प्रहरी पोष्टमे समेत यात्रुहुक्रनके सहजताके लाग यात्रु सहायता कक्ष स्थापना करल सुदूरपश्चिम प्रदेश ट्राफिक प्रहरी कार्यालय अत्तरिया जनैले बा ।

जनाअवजको टिप्पणीहरू