विपन्न परिवारहे राहत वितरण

पहुरा समाचारदाता
सुखड, २१ कुवाँर । कैलालीके घोडाघोडी नगरपालिका वडा नम्बर ९ के विपन्न परिवारहे राहत वितरण करल बा ।

‘केही नहुनेका लागि हामी छौं,’ अभियान अन्तर्गत वडाके ५ विपन्न घरपरिवारहे राहत वितरण करल हो । बुधके रोज अभियान अन्तर्गत विपन्न ५ घरपरिवारहे राहत वितरण करल अभियन्ता होम आर्चाय बटैलै । उहाँ अति गरिब, गुजारा चलैना समस्या रहल परिवारहे अभियान मार्फत चाउर, दाल, टीनाटावन लगायतके खाद्यान्न वितरण करल बटैलै ।

अभियान्ता लक्ष्मी भट्टराई करिब १५ हजार ढिउरके सामग्री हस्तान्तरण करल जानकारी डेलै । उ सहयोग काठ व्यवसायी गोविन्द बुढा करल रहिट । कुछ नाइ रहलहुक्रनके लाग हम्रे बाटी कना अभियानमे कुछ युवा अपनहे रकम उठाके सहयोग करटी आइल बाटैं । अब्बेसम एक दर्जनसे ढिउर घरपरिवारहे सहयोग करल भट्टराई बटैलै ।

अभियानमे घोडाघोडी बहुमुखी क्याम्पसके पूर्व प्राचार्य लक्ष्मीप्रसाद भट्टराई, राष्ट्रिय कलेजके प्राचार्य कर्ण भण्डारी, घोडाघोडी उद्योग वाणिज्य संघके पूर्व उपाध्यक्ष होम आचार्य व्यापारी ठक्मन बोहरा ओ विद्यार्थी धमेन्द्र विष्ट रहल बाटै ।