थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

संघीयता सहयोग कार्यक्रम अन्तर्गत सामग्री हस्तान्तरण

पहुरा | २१ आश्विन २०७७, बुधबार
संघीयता सहयोग कार्यक्रम अन्तर्गत सामग्री हस्तान्तरण

पहुरा समाचारदाता
धनगढी, २१ कुवाँर ।
यूएसएडके साझेदारीमे संचालित संघीयता सहयोग कार्यक्रम अन्तर्गत धनगढी उपमहानगरपालिकाहे बुधके टमान सामग्री हस्तान्तरण करल बा ।

धनगढी उपमहानगरपालिकाके नगरप्रमुख नृपबहादुर वडहे कार्यक्रमके डेपुटी चिफ अफ पार्टी राकेश कर्ण ल्यापटप एक थान, राउटर एक थान, एयर कन्डिशन १ थान, ‘६५’ टिभी एक थान, पावर ब्याकअफ १ थान, अटोमेटिक स्टीप्लाईजर १ थान लगायतके सामग्री हस्तान्तरण करल हो ।

नगरप्रमुख नृपबहादुर वड सूचना प्रविधि हल तयार करक लाग टमान उपकरण सहितके सामग्री प्राप्त करल बटैलै । ‘यूएसएडके साझेदारीमे संचालित संघीयता सहयोग कार्यक्रम अन्तरगत टमान क्षेत्रसे सहयोग प्राप्त हुइटी आइल बा,’ नगरप्रमुख वड कहलै, ‘वहाँहुक्रे एक कर्मचारी नै खटाके सहयोग करटी रहल बाटै ।’ सामग्री हस्तान्तरण कार्यक्रममे तालिम विज्ञ पुरुषोत्तम अधिकारी ओ कार्यक्रमके धनगढी नगर संयोजक टेक रानाके उपस्थिति रहल रहे ।

ओहे कार्यक्रमके टोली धनगढी उपमहानगरपालिका नगरप्रमुख, योजना शाखा प्रमुख, सामुदायिक विकास शाखा प्रमुख, सूचना प्रविधि शाखाके प्रमुखसंग कार्यक्रमके विषयमे छलफल समेत करल रहिट ।

जनाअवजको टिप्पणीहरू