भारतीय कामदार नानेक लाग मन्त्रीहे ज्ञापनपत्र
पहुरा समाचारदाता
धनगढी, २१ कुवाँर । भारतीय कामदार अभावमे नेपालके टमान काम प्रभावित हुइल कहटी कैलाली उद्योग बाणिज्य संघसे स्वास्थ्य मापदण्ड अपनाके भारतीय कामदार आइ डेना माग रख्टी ज्ञापन पत्र बुझैले बा ।
उधोग वाणिज्य संघसे उद्योग बाणिज्य तथा आपुर्ति मन्त्री लेखराज भट्टहे भारतीय कामदार आइ डेना माग रख्टी ज्ञापनपत्र बुझाइल हो ।
कोरोनाके कारण लकडाउन हुइलसंगे भारतीय कामदार आपन घर गैल बाटैै । अब्बे नेपाली कामदार फेन कामके लाग दैनिक भारत गैल अवस्था बा । डश्या डेवारी लच्क्इटी रहल बेला समेत व्यवसायमे मजा उपलब्धी आइ नाइ सेकल कहटी कैलाली उधोग बाणिज्य संघसे दक्ष कामदार आइ डेहे पर्ना माग राखल हो ।
कैलाली उद्योग बाणिज्य संघके अध्यक्ष पुष्प राज कुँवर, बरिष्ठ उपाध्यक्ष पुष्कर ओझा, सचिव शिद्धराज पनेरु, सदस्य मनोज अग्रवाल तथा कार्यकारी निर्देशक गोमा अधिकारी सहितके टोली मन्त्री भट्टहे ज्ञापनपत्र बुझाइल हो ।
