थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

२१ जाने अपांगता रहल व्यक्तिनहे सहायक सामग्री वितरण

पहुरा | २२ आश्विन २०७७, बिहीबार
२१ जाने अपांगता रहल व्यक्तिनहे सहायक सामग्री वितरण

पहुरा समाचारदाता
धनगढी, २२ कुवाँर ।
लकबन्दीके बेला प्रभावित हुइल कैलारी गाउँपालिकाके २१ जाने अपांगता
रहल व्यक्तिनहे सहायक सामग्री वितरण करल बा ।

अपांगता हुके घरभिटरे झारापेसाब करना बाध्य रहल अति अशक्त ओ पूर्ण अशक्त अपांगता रहल व्यक्तिनहे सहायक सामग्री व्हिलचियर, ट्राइसाईकल वितरण करल हो ।

अपांगता रहल व्यक्तिहुकनके अवस्था अध्ययन तथा सहायक सामग्री नापजाँच कार्यक्रम करके करिब १० लाख बराबरके सहायक सामग्री वितरण करल अपांगता क्षेत्रमे कार्यरत अधिकारकर्मी नन्दराज भट्ट जानकारी डेलै ।

सहायक सामग्री नापजाँच करके सर्वा·िण अपांगता विकास समाज नेपालके आयोजनामे हुइल कार्यक्रममे सामग्री सहयोग गाउँपालिकाके आर्थिक सहयोगमे १ जनहनहे ट्राइसाईकल, १७ जनहनहे व्हिल्चियरवाकर, १ जनहनहे बैशाखी, १ जनहनहे वाकर, १ जनहनमे अनिअल्बो क्रोचेच वितरण करल बा ।

कार्यक्रमके बरका पहुना रहल गाउँपालिका अध्यक्ष लाजुराम चौधरी अपांगता रहल व्यक्तिनहे सहायक सामग्री वितरण करटी अइना दिनमे फे अपांगता सशक्तीकरण र क्षमता विकासके लाग सदा सहयोग कैना जनैलै ।

कार्यक्रममे गाउँ पालिकाके सामाजिक विकास अधिकृत यगम कलेल, समावेशी स्पोर्ट्स क्लवके प्रमुख ईन्द्र पाली, महिला तथा बालबालिका शाखा प्रमुख बालकुमारी चौधरी लगायत अपांगता क्षेत्रमे क्रिर्याशिल व्यक्तिहुकनके उपस्थिति रहल रहे ।

जनाअवजको टिप्पणीहरू