मेडिकल कलेज सञ्चालनके माग करटी प्रदर्शन
पहुरा समाचारदाता
धनगढी, २२ कुवाँर । कैलालीके निर्माधिन गेटा मेडिकल कलेज जल्डी सञ्चालनमे नानेक पर्ना माग करटी प्रदर्शन करगिल बा ।
नेपाल विद्यार्थी संघ कलेज सञ्चालनके माग राख्टी विफेक् रोज धनगढी–अत्तरिया सडक अन्तर्गत गेटामे आधा घण्टा चक्का जाम करटी विरोध प्रदर्शनज करल हो । नेविसंघ गोदावरीके आयोजनामे विरोध कार्यक्रम हुइल हो ।
विरोध कार्यक्रममे नेविसंघके नेता जगतराम महरा, देवराज ओझालगायतके उपस्थिति रहल विरोध सभाहे तरण दलके नेता शंकर खड्का, नेविसंघके नेता पदमराज ओझा, शंकरदेव क्याम्पस काठमाडौं नेविसंघके नेता दिपकराज ओझा, मेडिकल कलेज स्थापनार्थ दवाव समूहके संयोजक एवं नेपाली काँग्रेसके नेता धर्मराज भट्ट लगायत सम्बोधन करल रहिट ।
नारा, जुलुससहित निकारल विरोध जुलुसमे स्थानीयहुकनके फेन सहभागिता रहे । मेडिकल कलेज स्थापनाके प्रक्रिया आघे बह्रल ११ बरस बिट्लेसे फेन अध्यापनके अभिन टुंगो नैहुइल फेन नेविसंघ विरोधमे उत्रल हो ।
कलेजके कार्यकारी निर्देशक भीमबहादुर साउद यी बरस फेन अस्पताल सञ्चालन करे नैसेकजिना बटैलै । शैक्षिक कार्यक्रम सञ्चालनमे ढिला हुइलेसे फेन अस्पताल सञ्चालनके लाग कलेज निर्माण समिति सरकारसे बजेट माग करल रहे ।
मने सरकार पर्याप्त बजेट नैडेहल जनागिल बा । कलेजके अभिनसम करिब ७५ प्रतिशत निर्माणके काम होसेकल जनागिल बा ।
