थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

स्वास्थ्य सतर्कता अपनाके शिक्षण संस्था संचालन कैना माग

पहुरा | २३ आश्विन २०७७, शुक्रबार
स्वास्थ्य सतर्कता अपनाके शिक्षण संस्था संचालन कैना माग

पहुरा समाचारदाता
धनगढी,२३ कुवाँर ।
कोभिड–१९ (कोरोना) भाइरससंगे जिल्लाभिटर डेखल टमान समस्याके समाधानके लाग संयूक्त विद्यार्थी संगठनहुक्रे ज्ञापनपत्र बुझैले बाटै ।

नेपाल विद्यार्थी संघ, अनेरास्ववियू, अखिल (क्रान्तिकारी), अखिल (छैठौं), समाजवादी विद्यार्थी यूनियन लगायत शुकके शिक्षण सुधारके माग रख्टी कैलाली प्रमुख जिल्ला अधिकारी यज्ञराज बोहराहे ज्ञापनपत्र बुझाइल हुइट ।

ओइने नीजि तथा सरकारी विद्यालय कोरोना आक्रान्तमेफे आवश्यक स्वास्थ्य सामग्री अवलम्बन नइरके विद्यालय सञ्चालनमे नानल जनैले बा । विद्यार्थी संगठनहुक्रे स्वास्थ्य सतर्कता अपनाके केल शिक्षण संस्थामे पठनपाठनके वातावरण तयार कैना माग करले बाटै ।

ओस्टेक, कोरोना कहरके बेला नीजि शैक्षिक संस्थासे अनलाई क्लासक नाउँमे असुल्टी आइल शूल्कहे नियन्त्रण करे पर्ना, कोभिडके कारणसे अल्पत्र परल गरिव विद्यार्थी ओ मजदुरहुकनहे जिविकोपार्जन ओ कोठा भाडाके सन्दर्भमे तत्काल राहत प्याकेज घोषणा करे पर्ना, यातायातमे बढाइल ५० प्रतिशत भाडा वृद्धिदर खारेज करके विद्यार्थीनहे डेटी आइल सहुलियत कार्यान्वयन कैना माग करले बाटै ।

विद्यार्थी संगठनहुक्रे नीजि विद्यालयसे विक्री वितरणके नाउँमे पब्लिकेशनसंग मिलके मनोमानी ढंगसे वर्षैपिच्छे पुस्तक वितरण कैना करल प्रवृतिहे रोके पर्ना ओ व्यापारीकरण, कालोवजारी, विकृतिहे तत्काल नियन्त्रण करके कारबाही करे पर्ना माग करले बाटै ।

नेविसंघ कैलालीके अध्यक्ष भेष बम विद्यार्थीहुकनके माग सम्बोधन नइकरलेसे आन्दोलनके कार्यक्रम घोषणा करके आघे बह्रना बटैलै ।

जनाअवजको टिप्पणीहरू