टिभिएससे डशियाके आशाके दुसरा विजेताहे पुरस्कार हस्तान्तरण, हरेक साता बाइक जित्न अवसर

पहुरा समाचारदाता
धनगढी २३ कुवाँर । ‘टिभिएस डशियाके आशा योजना’के दुसरा साताके विजेता दार्चुलाके महाकाली नगरपालिका वडा नम्बर ५ के हेमलता ठगुनाहे ‘‘आरआर ३१०’ सिसि बाइक धनगढीमे रहल वागेश्वरी अटोमोटिभ्स शुकके रोज प्रदान करले बा । पहिल सातालक्की ड्रमा मार्फत काठमाण्डौ बालुजाके अमितजंग सिटौलाहे बाइक प्रदान करल रहे । उ वाइकके बजार मुल्य ७ लाख ७९ हजार ९ सय रुपैया रहल बा ।

बिजेता हेमलता ठगुना टिभिएसके स्कुटी किनल रहिट । लक्की ड्रा मे अपनहे विश्वास नइहुइलेसेफे उपहार पाके खुशीके सीमा नइरहल उहाँ बटैली । जिन्दगीमे कबु फे यैसिन लक्की ड्रा मे विश्वास नइरहलेसेफे अपने यी उपहार पाके उहाँ दंग बाटी ।

ग्राहकसे टिभीएसके मोटरसाइकल किनके वा नइकिनकेफे यी योजनाके सहभागी बने सेक्ना वागेश्वरी अटोमोटिभ्स धनगढीके प्रवन्धक प्रेम साउँद बटैले बाटै । उहाँ उ योजनाके मूख्य विशेषता यिहे हुइल जानकारी डेलै । प्रत्येक साता एभिन्यूज टेलिभिजन ओ टिभिएसके फेसबुकमे प्रत्यक्ष प्रशारण करके गोला प्रथासे बिजेता छानजाइठ ।

टिभिएसके कौनोफे मोटरसाइकल किनेबेर ९ हजार ओ स्कूटर किनेबेर ७ हजार रुपैयाँ नगद छुट पाजाइठ । ओस्टेक ५० प्रतिशत डाउन पेमेन्ट करके मोटरसाइकल तथा स्कुटर किनेबेर ग्राहक शुन्य प्रतिशत ब्याजदरमे किने सेक्ना व्यवस्था रहल वागेश्वरी अटोमोटिभ्स धनगढीके प्रवन्धक प्रेम साउँद जानकारी डेलै ।

बम्पर उपहारके रुपमे हरेक हप्ता एक जाने जित्न सेक्न आरआर ३१० टिभिएसके सबसे महंगा मोटरसाइकल हो । कम्पनीके अनुसार हरेक हप्ता हुइना लक्की ड्रमा भाग लेहे चाहुइया अनलाइन फारम भरे सेक्ही । यम्ने मोटरसाइकल नइकिन्लेसेफे अपन नाउँ रजिस्टर करे सेक्ना बताइल बा । जगदम्बा मोटर्स प्रा.लिसे नेपालमे टिभिएस टू–ह्वीलर्सके भित्रैटी आइल बा ।