एक्के दिनमे ५ हजार ढेर कोरोना संक्रमण पुष्टि

काठमाडौं, २४ कुँवार । पाछेक २४ घण्टामे ५ हजार ८ जहनमे कोरोना भाइरस (कोभिड–१९) के संक्रमण पुष्टि हुइल बा ।

देशभरके प्रयोगशालामे १९ हजार ३२० नमुना परीक्षण करलमे ओइनमे संक्रमण पुष्टि हुइल हो । यी नेपालमे एकदिनमे मिलल सबसे ढेर संक्रमित संख्या हो ।

यीसँगे कुल संक्रमितके संख्या १ लाख ५ हजार ६८४ पुगल बा । उमध्ये ६ सय १४ जहनके मृत्यु हुइल बा कलेसे ७४ हजार २ सय ५२ जाने संक्रमणमुक्त हुइल बाटै । पछिल्का २४ घण्टामे किल १ हजार २ सय २९ जाने संक्रमणमुक्त हुइल स्वास्थ्य तथा जनसंख्या मन्त्रालय जनैले बा । हालदेशभर ३० हजार ८१८ सक्रिय संक्रमित बाटै । ओस्टेक आज १४ जहनके ज्यान गिल बा ।