साडाके सुदूरपश्चिम अध्यक्षमे ओझा
पहुरा समाचारदाता
धनगढी, २७ कुवाँर । सुदूरपश्चिम अटोमोबाईल्स डिलर्स एसोसिएसन साडाके तदर्थ समिति गठन करल बा । नेपाल अटोमोबाइल्स डिलर्स एसोसिएसन (नाडा) के छाता संगठनके रूपमे साडा गठन करल हो ।
नाडाके संगठन विस्तार समितिके सभापति तथा पुर्व उपाध्यक्ष प्रकाश कपुरीके अध्यक्षता ओ धनगढी उपमहानगरपालिका प्रमुख नृप बहादुर वडके वडका पहुनामे साडा सुदुरपश्चिम गठन करल हो ।
नवनिर्वाचित साडाके अध्यक्षमे उद्योग वाणिज्य संघ कैलालीके वरिष्ठ उपाध्यक्ष पुष्कर ओझा, उपाध्यक्षत्रय साहनवाज आलम, परशुराम चमाइ, गौरब अग्रवाल, महासचिव श्याम जोशी, सहसचिव प्रदिप जोशी, कोषाध्यक्ष अभियान खड्का चयन हुइल बाटै ।
ओस्टेक सदस्यमे मसकुर अहमद, श्याम ओझा, प्रेम साउद, राजीब हमाल, महेन्द्र सिंह, समुन्द्र भण्डारी ओ भुवन भट्ट चयन हुइल बाटै । ओस्टेक करके सल्लाहकार सदस्यमे नबिन जोशी, राजेश भण्डारी ओ राकेश कर्माचार्यहे चयन करल नव निर्वाचित अध्यक्ष पुष्कर ओझा बटैलै ।
कार्यक्रममे बोल्टी नाडाके पुर्व उपाध्यक्ष कपुरी प्रदेश संगठन बिस्तार कैना क्रममे प्रदेश नम्बर १, ३ ओ ४ मे संगठन विस्तार हुसेकल बटैटी सुदुरपश्चिम प्रदेशमे समेत संगठन बिस्तार कैना बटैलै ।
