थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

ग्याँस लिक हुके विस्फोट हुईबेर तीन जाने घाहिल

पहुरा | २८ आश्विन २०७७, बुधबार
ग्याँस लिक हुके विस्फोट हुईबेर तीन जाने घाहिल

पहुरा समाचारदाता
धनगढी, २८ कुवाँर ।
खाना पकैना ग्याँस लिक हुके विस्फोटपाछे धनगढी राधाकृष्ण टोलके तीन जाने घाहिल हुइल बाटै ।

आज विहान करिब साढे १० बजे ओर भन्सा कोठामे धारल ग्याँस लिकहुके विस्फोटपाछे घाहिल हुइलमे धनगढी उपमहानगरपालिका–८ के ७० वर्षिय हरिलाल विष्ट, उहाँक गोसिनिय ६५ वर्षिया बिर्मा विष्ट ओ नातिनिया १५ वर्षिया महेश्वरी विष्ट रहल बाटै ।

खाना पकैना ग्याँस लिक हुके विस्फोट हुईबेर ओइने घाहिल हुइल जिल्ला प्रहरी कार्यालय कैलालीके निमित्त प्रमुख प्रहरी नायव उपरीक्षक प्रतिक बिष्ट जानकारी डेलै । प्रहरी निरीक्षक हिकमत थापा नेतृत्वके प्रहरी टोली घाहिलहुकनके उद्धार करके अस्पताल पुगाइल रहे । ओइने तीनु जानेक धनगढीस्थित माया मेट्रो अस्पतालमे उपचार हुइटी रहल बा ।

विस्फोटपाछे आगलागीसे भन्सा कोठामे क्षति पुगल बा । घाहिल मन्से बिर्मा बिष्टके अवस्था गम्भीर रहल प्रहरी जनैले बा ।

जनाअवजको टिप्पणीहरू