ग्यास लिक हुके विस्फोट हुके घाहिल महिलाके ज्यान गैल

पहुरा समाचारदाता
धनगढी,२९ कुवाँर । धनगढी उपमहानगरपालिका–८ मे लिक हुइल अवस्थामे ग्याँस बारे खोजेबेर विस्फोटमे पररके घाहिल हुइल महिलाके ज्यान गैल बा । गम्भीर घाहिल हुइल ६५ वर्षिया बिर्मादेवी विष्टके मृत्यु हुइल कैलाली प्रहरी जानकारी डेले बा ।

जिल्ला प्रहरी कार्यालयके निमित्त प्रमुख प्रहरी नायब उपरीक्षक प्रतिक विष्ट बिर्माके काठमाडौँमे उपचारके क्रममे ज्यान गैल जानकारी डेलै । प्रहरीके अनुसार घाहिल अवस्थामे रहल मृतकके गोसिया हरीलाल विष्ट ओ उहाँक नातिनिया अवस्था भर खतरामुक्त बाटै ।

ओइनकेफे काठमाडौँमे उपचार हुइटी रहल निमित्त प्रमुख प्रहरी नायब उपरीक्षक विष्ट जानकारी डेलै । ग्याँस लिक हुइल अवस्थामे बारेबेर एक्कासी विस्फोट हुके भन्साकोठाके छत उडाइल ओ भित्ता समेत फुटल रहे । घटना बुधके सकारे करिव साढे १० बजेओर हुइल रहे ।

सम्बन्धित समाचार

ग्याँस लिक हुके विस्फोट हुईबेर तीन जाने घाहिल