थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०६ कार्तिक २६४३, बिफे ]
[ वि.सं ६ कार्तिक २०७७, बिहीबार ]
[ 22 Oct 2020, Thursday ]

हसुलियामे आँखा उपचार केन्द्रके उद्घाटन

पहुरा | २९ आश्विन २०७७, बिहीबार
  • 29
  •  
  •  
  •  
  •  
  •  
  •  
  •  
    29
    Shares
हसुलियामे आँखा उपचार केन्द्रके उद्घाटन

पहुरा समाचारदाता
हसुलिया, २९ कुवाँर ।
कैलारी गाउँपालिका–१, हसुलिया बजारमे बिफेक रोज आँखा उपचार सेवा केन्द्रके उद्घाटन करल बा ।

गाउँपालिकाके अध्यक्ष लाजुराम चौधरी एक कार्यक्रमके बीच रेबन काटके आँखा उपचार सेवा केन्द्रके उद्घाटन करलै । गाउँपालिका कार्यालयके आर्थिक सहयोगमे नेपाल नेत्र ज्योति संघले आँखा उपचार सेवा केन्द्र निर्माण करल हो ।

संघके अध्यक्ष लोकराज जोशीके सभापतित्वमे हुइल कार्यक्रममे गाउँपालिकाके उपाध्यक्ष लक्ष्मी सत्गौंवा, प्रमुख प्रशासकीय अधिकृत खगेन्द्रराज जोशी, वडाध्यक्ष, सम्पूर्ण शाखाके प्रमुखहुकनके उपस्थिति रहल रहे ।

उद्घाटनसंगे केन्द्र अपन सेवा सुरु करल जनाइल बा । हसुलियामे आँखा उपचार सेवा केन्द्र सञ्चालनमे आइलपाछे आँखीक उपचारके लाग धनगढी ओ गेटा आँखा अस्पताल पुगे पर्ना बाध्यताके ढेर हद्सम अन्त्य हुइल गाउँपालिकाके प्रवक्ता कमलप्रसाद चौधरी बटैलै । केन्द्रमे आधुनिक उपकरणसहित आँखा चेकजाँच ओ चश्मा बनैना व्यवस्थासमेत रहल जनाइल बा ।

  • 29
    Shares

जनाअवजको टिप्पणीहरू