थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०६ कार्तिक २६४३, बिफे ]
[ वि.सं ६ कार्तिक २०७७, बिहीबार ]
[ 22 Oct 2020, Thursday ]

सीमान्तकृत बालिकासे संचालित व्यवसायके अनुगमन

पहुरा | २९ आश्विन २०७७, बिहीबार
  • 201
  •  
  •  
  •  
  •  
  •  
  •  
  •  
    201
    Shares
सीमान्तकृत बालिकासे संचालित व्यवसायके अनुगमन

पहुरा समाचारदाता
धनगढी, २९ कुवाँर ।
सीमान्तकृत बालिकासे संचालन कैगिल व्यवसायके अनुगमन कैगिल बा ।

युकेएडके सहयोगमे मर्सिकोर नेपाल ओ वेसके साझेदारीमे संचालित सीमान्तकृत बालिकाहुकनके शिक्षामे सहयोग परियोजनाके पालिका स्तरीय सल्लाहकार समितिके बैठक बर्दगोरिया गाउँपालिकामे करटी सीमान्तकृत बालिकासे संचालित व्यवसायके अनुगमन करल हो ।

परियोजनासे टमान लेहल ओ परियोजनासे सहकारी मार्फत करल बालिका स्थानान्तरण कोषसे ऋण लेके बौनिया बजारमे टेलरिंग व्यावसाय करटी आइल रजनी चौधरीके व्यावसायके अनुगमन करल रहे । टेलरिङके कमाईसे घरगुजारा कैना सहजुल हुइल उहाँ बटैली । ओस्टेक परियोजनासे सहयोग करल बसन्त मुरारी नमुना माध्यमिक विद्यालयके छात्रा शौचालय, पुस्तकालय व्यवस्थापनकेफे अनुगमन करल हो ।

उहीसे आघे गाउँपालिका अध्यक्ष बलीराम डंगौरा थारुके अध्यक्षतामे हुइल बैठकमे परियोजनाके लक्ष्य तथा प्रगति सहित मुख्य उपलब्धीके प्रस्तुतिकरण बेसके बाल संरक्षण अधिकृत जगदिश राना करले रहिट । कार्यक्रमके संचालन बेसके शिक्षा अधिकृत लक्ष्मी बलायर करले रहिट ।

ओस्टेक घोडाघोडी नगरपालिकामे नगर प्रमुख ममताप्रसाद चौधरीके अध्यक्षतामेफे परियोजनाको नगर स्तरिय परियोजना सल्लाहकार समितिके बैठक हुइल बा । बैठकपाछे दरख मावि हरिनगरमे परियोजनासे सहयोग करल फलसिलिंग, कम्प्युटर ल्याब, पुस्तकालयके अनुगमन, बालिका स्थानान्तरण कोषसे ऋण लेके सुख्खड बजारमे श्रृंगार ओ व्युटीपार्लर व्यावसाय करटी आइल कृष्णा चौधरीके व्यावसाय अनुगमन करल कैगिल बा ।

अनुगमन पश्चात नगर प्रमुख चौधरी स्टेम परियोजनासे बालिकाहुकनहे बहुट सहयोग पुगाइल बटैलै । तालिम ओ विनाधितो सस्ता व्याजदरमे उपलब्ध कराइल ऋण लेके व्यासाय कैनामे सहयोग हुके जीवन स्तरमे सुधार आके मजा आम्दानी करल उहाँ बटैलै ।

  • 201
    Shares

जनाअवजको टिप्पणीहरू