थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

घोडीघोडा ओ यूनिक नेपालविच मर्जर हुइना सहमति

पहुरा | ३० आश्विन २०७७, शुक्रबार
घोडीघोडा ओ यूनिक नेपालविच मर्जर हुइना सहमति

पहुरा समाचारदाता
धनगढी, ३० कुवाँर ।
घोडीघोडा लघुवित्त वित्तीय संस्था लिमिटेड ओ यूनिक नेपाल लघुवित्त वित्तीय संस्था लिमिटेडविच मर्जर हुइक लाग पहिल चरणके सहमति हुइल बा ।

विफेक रोज कोहलपुर बाँकेमे हुइल दुनु लघुवित्तके संचालक समितिके बैठकसे मर्जरमे जैना पहिल चरणके सहमति हुइल घोडीघोडा लघुवित्त वित्तीय संस्था लिमिटेडके प्रमुख कार्यकारी अधिकृत कुन्नुनारायण चौधरी बटैलै ।

घोडीघोडा लघुवित्त वित्तीय संस्था लिमिटेडके अध्यक्ष प्रभातकुमार चौधरी ओ यूनिक नेपाल लघुवित्त वित्तीय संस्था लिमिटेडके अध्यक्ष कालीप्रसाद चौधरीविच सहमतिपत्रमे हस्ताक्षर रहिट ।

बैठकमे घोडीघोडा लघुवित्त वित्तीय संस्था लिमिटेडके संचालक बुधराम चौधरी, पुरनप्रसाद चौधरी, पिङगला चौधरी, यूनिक नेपाल लघुवित्त वित्तीय संस्था लिमिटेडके संचालक शिवप्रसाद चौधरी, सन्तराम धरकटुवा प्रमुख कार्यकारी अधिकृत डा. गोपाल दहित लगायतके उपस्थिति रहे ।

घोडीघोडाके केन्द्रीय कार्यालय कञ्चनपुरके बेलौरी ओ यूनिक नेपालके केन्द्रीय कार्यालय कोहलपुर बाँकेमे रहल बा । दुनु लघुवित्तके कार्यक्षेत्र १०÷१० जिल्ला रहल बा ।

जनाअवजको टिप्पणीहरू