थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०६ कार्तिक २६४३, बिफे ]
[ वि.सं ६ कार्तिक २०७७, बिहीबार ]
[ 22 Oct 2020, Thursday ]

आपन नाउँ नै लिखल कहटी उपमेयर थापा फोरली शिलालेख

पहुरा | १ कार्तिक २०७७, शनिबार
  • 48
  •  
  •  
  •  
  •  
  •  
  •  
  •  
    48
    Shares
आपन नाउँ नै लिखल कहटी उपमेयर थापा फोरली शिलालेख

पहुरा समाचारदाता
धनगढी, १ कार्तिक ।
कैलालीके घोडाघोडी नगरपालिकाके उपमेयर प्रेम कुमारी थापा शिलालेखमे आपन नाउँ नाइ राखल कहटी विरोध करले बाटी ।

वडा नम्बर ७ के भवन उद्घाटन कार्यक्रममे शिलालेख आपन नाउँ नाइ राखल कहटी उपमेयर थापा शिलालेखमे ढुंगा मारके फोरले बाटी । शिलालेखमे ढुंगा मरटी विरोध करलपाछे हात हालाहालके अवस्था फेन सिर्जना हुइल रहे । मेयर ममताप्रसाद चौधरी वडा नम्बर ७ के कार्यालय भवन उद्घाटन कैना क्रममे उपमेयर थापा ढुंगासे शिलालेखमे मारल भिडियो सार्वजनिक हुइल बा । उक्त भिडियोमे मेयर कार्यालय भवनके उद्घाटन कैटी किल उपमेयर थापा शिलालेखमे ढुंगासे मारल डेखजाइठ् ।

मेयर चौधरी उपमेयर थापाके हाठ हटैटी नाइ कैना कहठै । ओहे बेला कार्यक्रममे उपस्थित एक महिला का तरिका हो ? कहठी । उपमेयर थापा रिसैटी ‘काहे नाइ रही तरिका ?’ कहिके जवाफ घुमाइल सुनजाइठ् ।

मेयर चौधरी हाठ हटैटी मर्यादाके फेन हद रहठ कहटी बैठ्ना आग्रह करठै । मने उपमेयर ओहकान आग्रहहे मन्ना पक्षमे नाइ डेखजाइठ् ।

मेयर ममताप्रसाद चौधरी आपन नाउँ नाइ राखल कहटी उपमेयर थापा वडा कार्यालयके भवन उद्घाटनके क्रममे शिलालेखमे ढुंगा मारल बटैली ।

यहोर उपमेयर थापा फेन शिलालेखमे आपन नाउँ रख्ना आग्रह कैटी कैटी फेन मेयर ओ प्रमुख प्रशासकिय अधिकृत वाइपास करल ओरसे उ अवस्था सिर्जना हुइल प्रतिक्रिया डेले बाटी ।

‘शिलालेखमे मोर नाउँ नाइ रख्लै ओक्रे उपज आजके परस्थिती आइल हो ।’ उहाँ कहली । वडा नम्बर ७ के वडा सदस्य देवचरण चौधरीके अनुसार शिलालेखके विषयहे लेके मेयर उपमेयरबीच हात हालाहालके अवस्था सिर्जना हुइलेसे फेन उद्घाटन कार्यक्रम सम्पन्न हुइल बा ।

ओस्टेक घोडाघोडी नगरपालिका वडा नम्बर १२ के कार्यालयके उदघाटन कैगिल बा । नगरप्रमुख ममता प्रसाद चौधरी एक कार्यक्रमके विच वडा कार्यालयके लौवा बनल भवनके उदघाटन करल रहिट ।

९० लाख रुप्या लागतमे बनल भवन उदघाटन कार्यक्रममे खास पहुना नगर उप प्रमुख प्रेमकुमारी थापा, कृषि शाखा प्रमुख खगेन्द्रबहादुर सिंह रहल रहिट । घोडाघोडी नगरपालिका वडा नम्बर १२ के अध्यक्ष पर्नाकुमार चौधरीके घरगोस्यामे हुइल उदघाटन कार्यक्रमके संचालन वडा नम्बर १० के वडा सचिव धनिराम चौधरी ओ स्वागत मन्तव्य वडा सदस्य ओमकला परियार करले रहिट ।

  • 48
    Shares

जनाअवजको टिप्पणीहरू