तस्करसे हुइल भीडन्तमे असईके मृत्यु, प्रहरी जवान बेपत्ता

पहुरा समाचारदाता
धनगढी, २ कार्तिक । कैलालीके धनगढी उपमहानगरपालिका—१२ जुगेडास्थित अस्थायी प्रहरी चौकीके ईञ्चार्ज प्रहरी सहायक निरिक्षक(असई) मृत फेला परल बाटै ।

शनिच्चर रातसे बेपत्ता हुइल असइ (असई) गोविन्द बिकके शव अँट्वार सकारे सीमा नाकामे मोहना लडियामे फेला परल हो । ओहकानसंगे गस्तीमे गैल प्रहरी जवान राम बहादुर साँउद भर फेला नाइ परल हुइट । चौकीसे मोटरसाईकलमे रात साढे आठ बजे गस्तीमे निक्रल डुनुजाने साढे १० बजेसे सम्पर्क बिहिन हुइल रहिट ।

अँट्वार सकारे उहाँहुक्रनके खोजी करेबर चौकीसे एक किमीके दूरीमे उहाँहुक्रे चहुँरल मोटरसाईकल फेला परल ओ करीव तीन किमीके दूरीमे रहल मोहना लडियामे लाश फेला परल रहे ।

प्रहरी नायव महाननिरिक्षक उत्तम सुवेदी सहितको प्रहरीके टोली घट्नास्थल पुगल बा । प्रहरी तस्करहुक्रनसे भीडन्तमे उहाँहुक्रे मारल हुइ सेक्ना आशंका करल बा ।