थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

बाल संगठनसे उपलब्धी सार्वजनिक

पहुरा | २ कार्तिक २०७७, आईतवार
बाल संगठनसे उपलब्धी सार्वजनिक

पहुरा समाचारदाता
धनगढी, २ कार्तिक ।
नेपाल बाल संगठन कैलालीसे अँटवारके रोज पत्रकार सम्मेलनके आयोजना करके हालसमके उपलब्धी सार्वजनिक करले बा ।

संगठनके सचिव नृप सुनार नेपाल बाल संगठन कैलालीके नियमित वार्षिक कार्यक्रम विद्यालयके बालबालिकाहे शैक्षिक सहयोग कार्यक्रम शैक्षिक सत्र २०७६/०७७ सालमे जिल्लाके ९ ठो स्थानीय तहके ५१ विद्यालयके १५० जाने बालबालिकाहे शैक्षिक सामाग्री प्रदान करल जनैलै ।

जिल्ला अन्तरगत माविके २८, निमाविके ११, प्राविके १२ जाने रहल बाटै । कलेसे जम्मा कुल छात्रा ६५ जाने, छात्र ८५ जाने मन्सेफे दलित २४ जाने जनजाती ३७ जाने, ८९ जाने और विद्यार्थीहुकनहे छात्रवृत्ती प्रदान करके स्थानीय तह, विद्यालय, विद्यालय व्यवस्थापन समिति, शिक्षक, विद्यार्थी ओ अभिभावकसंगके नेटवर्क विस्तार हुइल बा ।

यातायात कार्यालयके फारम जिल्ला प्रशासन कार्यालय मार्फत छपाई ओ विक्रि वितरण हुइटी आइलमे वर्तमान कार्य समितिके पहलमे नेपाल बाल संगठन कैलालीसे छपाई तथा विक्रि वितरण कैना अनुमति नानके मासिक रुपमे आम्दानीके श्रोतमे बृद्धि हुइल जनागिल बा ।

२०७७ सालके भदौ महिनामे आइल अविरल वर्षा पश्चात विस्थापित हुइल वालवालिकाहुकनहे मध्येनजर करटी कैलाली जिल्लाके टिकापुर नगरपालिका, भजनीनगरपालिका ओ जोशीपुर गाउँपालिकाहे दाल, स्वास्थ्य सुरुक्षाके सामाग्री साबुन ओ माक्स हस्तान्तरण करल रहे ।

वाल दिवस कार्यक्रम २०७६ के अवसरमे धनगढी–५ मे रहल आमाको माया छात्रबासहे पानीके टंकी, सिलिंग पंखा ओ वालवालिकाहुकनहे फलफुल ओ कैलाली जिल्ला कारागारमे डाईसंगे रहल पाँच जाने लर्कनके नेपाल बाल संगठनके संरक्षक कैलाली जिल्लाका प्रमुख जिल्ला अधिकारी यज्ञराज बोहरा गरम लुगा कपडा ओ खेलौना वितरण करल रहे । २०७७ सालमेफे आमाको माया छात्रबासमे खाद्यान्न सहयोग करल रहे ।

वर्तमान कार्य समिति आइबेर नेपाल बाल संगठनके नाउँमे धनगढी स्थित महालक्ष्मी विकास बैकमे जम्मा रकम रु दुई लाख पैसठी हजार छ सय सात रुपैया एक्काईस पैसा रहल ओ हाल यी समितिसे छोरेबेर उ बैकमे चल्ति खातामे एक्काईस लाख अठसठी हजार तिन सय असी रुपैया पैसा एकाईस ओ धरौटी खातामे रु अठार लाख पाँच हजार चार सय रुपैया पैसा एक्काईस करके जम्मा रु. उन्नचालिस लाख त्रिहत्तर हजार सात सय असी रुपैया पैसा एककाईस बैकमे रहल निबर्तमान कार्य समिति जनैेले बा ।

विगताके कार्य समितिसे व्यपारीक सटरके धरौटी रकम अलगे बैक खाता नइरहल मने यी वर्ष से वर्तमान कार्य समितिसे धरौटी खाता धनगढी स्थित महालक्ष्मी विकास बैकमे धरौटी खाता खोलके धरौटी रकम सुरुक्षित करल जनैले बा ।

कार्यालयके दैनिक प्रशासनिक कार्यके व्यवस्थित कैना लेखाहे दोहोरो लेखा प्रणाली मार्फत व्यवस्थित रुपमे आर्थिक प्रशासन संचालन करले बा । व्यापारी तथा होडिङ्ग बोर्डके भाडा रकम बैक मार्फत जम्मा कैना ओ समयमे ओइनके सम्मmौताहे नविकरण करके अध्यावधी करल बा । स्वेच्छिक अवकास प्राप्त कर्मचारी तत्कालिन कार्यालय प्रमुख मीन बहादुर कुवँर स्वच्छीक अवकास ओ कार्यालयमे कार्यरत कर्मचारी मान बहादुर कुवँरके असामयिक निधन पाछे पाई पर्ना उपदान समेत यी कार्यालयके आन्तरिक आयसे उपलव्ध कराइल बा ।

विद्यालयके भवन सार्वजनिक सुचना मार्फत टेण्डर आवहान करके विद्यालय छनौट करल बा । कोभिड १९के बन्दा बन्दीके मारमे परल व्यपारिकहुकनहे संघीय सरकार ओ स्थानीय सरकार तथा कैलाली उद्योग वाणिज्य संघके घरभाडा छुट कैना अनुरोधहे मध्येनजार करटी नेपाल बाल संगठनके व्यापरिक सटरके १ महिनाके ओ नम्मा समयसम बन्द रहल व्यापारी सोनु फेसन प्वाइन्टहे २ महिनाके ओ सम्झौत समयसे लकडाउन सुरु हुइलपाछे हालसमफे सिद्धार्थ बोडिङ्ग स्कुल भवन संचालन तथा और कौनोफे कार्य प्रयोगमे नइनानल ओरसे उ विद्यालयके ३ महिनाके भाडा रकम मिनाहा कैना निर्णय करल बा ।

नेपाल बाल संगठनके प्रशासनिक, आर्थिक ओ दैनिक कार्य संचालन कैना सक्कु कर्मचारीके कार्य विवरण तयार करके ओइनहे परिचालन करल बा । रात्रीकालिन चौकीदारके रुपमे कर्मचारी करारमे भर्ना करके बालमन्दिरके सुरुक्षाके वल्गर प्रवन्ध करल पत्रकार सम्मेलनमे जानकारी डेहल बा । नेपाल बाल संगठन कैलालीके कार्यालयके कर्मचारीहुकनके अकास्मिक दृर्घटनासे सुरुक्षित रहन एक वर्षमे कौनो दुर्घटना हुइलेसे पाँच लाख बराबरके विमा करल बा ।

पत्रकार सम्मेलनमे निवर्तमान सभापति भुवनेश्वर पन्त अपनेहुकनके कार्यकाल विधान सम्वत नइओराइल यि अवधिमे संगठनके गतिविधिहे सुधारल बटैलै । पत्रकार सम्मेलनमे लौवा सभापति चुडामणि भट्टहे माइनट हस्तान्तरण कैगिल बा ।

जनाअवजको टिप्पणीहरू