ट्याक्टरके ठक्करसे १ के ज्यान गैल

पहुरा समाचारदाता
धनगढी, २० कार्तिक । कैलालीके घोडाघोडीमे ट्याक्टरके ठक्करसे विफेक रोज एक जानेक ज्यान गैल बा ।

घोडाघोडी नगरपालिका १ घोडाघोडी मन्दिर लग्गे से १ च ५०८४ नम्बरके ट्याक्टरसे से ५ प १७६३ नम्बरके मोटरसाइकलहे ठक्कर डेहलपाछे मोटरसाइकलमे सवार सुखडके सुरेश लामिछाने घाहिल हुइल रहिट । घाहिल लामिछानेके उपचारके क्रममे घोडाघोडी अस्पतालमे ज्यान गैल प्रहरी जनैले बा ।

ट्याक्टरके ठक्करसे ज्यान गैलपाछे मृतकके आफन्त उचित क्षतिपूर्तिके माग करटी पुर्वपश्चिम राजमार्ग अन्तर्गतके सुखड सडकखण्ड बन्द करल इलाका प्रहरी कार्यालय सुखड जनैले बा ।