थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

वडाध्यक्ष थापा भस्कैलै सडक विस्तारके लाग अपने संरचना

पहुरा | २० कार्तिक २०७७, बिहीबार
वडाध्यक्ष थापा भस्कैलै सडक विस्तारके लाग अपने संरचना

पहुरा समाचारदाता
धनगढी, २० कार्तिक ।
धनगढी उपमहानगरपालिका वडा नम्बर ४ के अध्यक्ष दीपककुमार थापा मुख्य सडक विस्तारके लाग अपन संरचना भस्कैले बाटै ।

विफेक रोज धनगढी उपमहानगरपालिकाके प्रमुख नृप वड समेतके उपस्थितिमे वडाध्यक्ष थापा धनगढी मुख्य सडक विस्तार हुइना हुइलपाछे संरचना भस्काइल हुइल हुइट । थापा जलसा होटलके आघे पट्टी रहल आँगनक भागमे लगाइल ब्लक भस्काइल हुइट । जलसा होटल रहल घर वडाध्यक्ष थापाके हो । उहाँ सडकके क्षेत्राधिकारसे १ मिटर थप जमिन छोरले बाटै ।

क्षेत्रीय शहरी विकास आयोजना अन्तरके धनगढीके मुख्य सडक ३० मिटर चाकिर बनैटी बा । धनगढी उपमहानगरपालिकाके प्रमुख नृपबहादुर वड सडक विस्तारके लाग धनगढीके घरधनी सडक क्षेत्रधिकार भिटर पर्ना संरचना भत्काई लागल बटैलै उहाँ कहलै, नगरके सडक चाकिर बनाइक लाग घरधनी सडक क्षेत्राधिकार भिटर पर्ना पर्खाल, घर, टहरा भस्काई लागल हुइट । बुधके केल धनगढी उपमहानगरपालिका वडा नम्बर २ के ९ जाने घरधनी ओ वडा नम्बर ५ के ४ जाने घरधनी संरचना भस्कैना सुरु करले बाटै । नगरवासीके सहयोगसे केल धनगढीहे सुन्दर नगर बनाई सेक्ना नगरप्रमुख वड बटैलै ।

क्षेत्रीय सहरी विकास आयोजना अन्तर्गत पहिल चरणमे ७ ठो सडक निर्माण हुइना करके २०७७ साल असार २८ गते सम्झौता हुइल उपमहानगरपालिकाके डिभिनल ईन्जिनियर डिजराज भट्ट बटैलै । उहाँ कहलै, जेम्ने गुल्म–चर्च रोड (२ हजार ७ मिटर), धनगढी मेन रोड, ट्राफिक चौराहासे–कैलालीनाला (१ हजार ३ सय मिटर), हुलाकी सडक–क्याम्पस रोड– जाखोरताल (७ सय मिटर), क्याम्पस रोड– चटकपुर (३ हजार ६ सय ५० मिटर), धनगढी–खुटीया स्याउले रोड (सय ७० मिटर), मालपोत रोड (४ सय ३० मिटर ओ हसनपुर रोड (१ हजार १ सय ५० मिटर) रहल बा ।

जनाअवजको टिप्पणीहरू