थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

गौरीगंगाके कोरोना संक्रमित वडाध्यक्षके मृत्यु

पहुरा | २१ कार्तिक २०७७, शुक्रबार
गौरीगंगाके कोरोना संक्रमित वडाध्यक्षके मृत्यु

पहुरा समाचारदाता
धनगढी, २१ कार्तिक ।
कैलाली गौरीगंगा नगरपालिका वडा नम्बर ३ के वडाध्यक्ष नरेन्द्रबहादुर शाहके कोरोना संक्रमणसे मृत्यु हुइल बा । सेती प्रादेशिक अस्पतालके कोरोना अस्थायी अस्पतालमे उपचाररत वडाध्यक्ष नरेन्द्रबहादुर शाहके आज बिहान मृत्यु हुइल हो ।

वडाध्यक्ष शाह १० दिनसे सेती प्रादेशिक अस्पतालके कोरोना अस्पतालमे उपचाररत रहिट । उहाँहे भेन्टिलेटरमे ढरके उपचार हुइटेहे ।

नेकपाके कैलाली जिल्ला कमिटी सदस्य दीर्घ जोशी सामाजिक सञ्जाल फेसबुकमार्फत कोरोना संक्रमणसे वडाध्यक्ष शाहके मृत्यु हुइल जानकारी डेले बाटै ।

कर्रा मेरिक निमोनिया डेखाइलपाछे कार्तिक १२ गते अस्पताल भर्ना हुइल शाहहे १७ गते कोरोना पुष्टि हुइल रहे ।

संक्रमण पुष्टि हुइलपाछे ७३ वर्षिय शाहहे कोरोना अस्थायी अस्पतालमे सारल रहे । उपचारके क्रममे शाहके मृत्यु हुइल अस्पतालके सूचना अधिकारी दिलिपकुमार श्रेष्ठ पुष्टि करलैं ।
वडाध्यक्ष शाह गौरीगंगा नगरपालिकाके प्रवक्ता समेत रहिट ।

जनाअवजको टिप्पणीहरू