गदरियामे सभा हलके उद्घाटन
पहुरा समाचारदाता
हसुलिया, २१ कार्तिक । कैलारी गाउँपालिका–९ स्थित गदरिया बजारमे शुकके सभा हलके उद्घाटन करल बा ।
गाउँपालिकाके अध्यक्ष लाजुराम चौधरी एक कार्यक्रमके बीच सभा हलके उद्घाटन करल रहिट । गाउँपालिका कार्यालयके १० लाख रुप्या आर्थिक सहयोगमे उ सभा हल बनाइल हो ।
आर्थिक वर्ष २०७६/०७७ के कार्यक्रम बमोजिम उपभोक्ता समितिमार्फत सभा हल निर्माण करल कैलारी गाउँपालिकाके प्रवक्ता कमलप्रसाद चौधरी जानकारी डेलै । वडा नम्बर ९ के कार्यबाहक अध्यक्ष हरिप्रसाद चौधरीके अध्यक्षतामे हुइल कार्यक्रममे गाउँपालिकाके अध्यक्ष चौधरी वडका पहुना ओ प्रवक्ता कमलप्रसाद चौधरी विशिष्ट पहुना रहिट ।
कार्यक्रममे नेकपाके जिल्ला सदस्य उर्मिला चौधरी, कैलारी गाउँपालिका स्तरीय नेकपाके अध्यक्ष बतासु चौधरी, और राजनीतिक दलके प्रतिनिधि, विद्यालय/बजार व्यवस्थापन समितिके पदाधिकारी, स्थानीय बुद्धिजिवी लगायतके उपस्थिति रहे ।
कार्यक्रमके सञ्चालन वडा सचिव ठागुराम चौधरी करले रहिट ।
