राराताल घुमुइयानके लाग धनगढी–ताँल्चा उडान सुरु
पहुरा समाचारदाता
धनगढी, २१ कार्तिक । नेपालके सबसे बरवार ओ प्रसिद्ध तालके रुपमे रहल राराताल घुमुइयानके लाग धनगढी–ताँल्चा उडान सुरु हुइल बा ।
आन्तरिक पर्यटकहुक्रनहे लक्षित करटी समिट एयरसे शुकसे धनगढी–ताँल्चा उडान सुरु करल हो । सुदूरपश्चिमके पहाडी जिल्ला अछाम, बैतडी, डोटी ओ मंगलसेनमे धनगढी वेस होके उडान कैटी आइल समिट एयर धनगढी–ताँल्चा उडान फेन थप्ले बा ।
शुकके पहिल दिन १८ जाने रारा घुमुइया यात्रु लेके समिट एयरके धनगढी–ताँल्चा उडान हुइल राराके लाग धनगढी प्रतिनिधि दीपक बम जानकारी डेलै । रारा घुमे चहुइयाहुक्रनके रहलहे पुरा करक लाग यी उडान सहज परले बा । हवाई यात्रासंगे दुई दिन ओ एक रातके खाना आवास सहितके सुविधा फेन डेहल बम बटैलै । ओहकान अनुसार हप्तामे एक उडान धनगढी–ताँल्चा हुइना बा ।
मुगुके ताँल्चा विमास्थलसे दुई घण्टाके पैदल यात्रापाछे रारा पुगे सेकजाइठ् । खैना बैठ्ना सहितके यात्रा २३ से २५ हजार समके प्याकेजमा लन्ना मेरके उडान सुरु करल हो ।
पहिल दिनके उडानमे कैलाली उद्योग वाणिज्य संघके अध्यक्ष पुष्पराज कुँवर सहित संघके पदाधिकारी ओ उहाँहुक्रनके परिवारके सदस्य, बैंकर लगायतके १८ जाने रारा घुमे गैल बाटै ।
