थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

गाउँघरके विकृति विसंगति निराकरणके लाग किरण नेपाल

पहुरा | २२ कार्तिक २०७७, शनिबार
गाउँघरके विकृति विसंगति निराकरणके लाग किरण नेपाल

पहुरा समाचारदाता
हसुलिया, २२ कार्तिक ।
कैलाली एकीकृत उत्थान कार्य सञ्जाल (किरण नेपाल)के कैलारी गाउँपालिका वडा नम्बर ३ उत्तर भर्रीमे समुद््घाटन समारोह सम्पन्न हुइल बा ।

तराई मधेस समन्वय विभागके केन्द्रीय सदस्य राजसमझ कार्यक्रमके बर्का पहुना रहल रहिट । बर्का पहुना चौधरी संस्थाहे सेक्ना सहयोग कैना बटैले बाटै ।

कार्यक्रमके खास पहुना नेपाली काँग्रेस कैलारी गाउँपालिकाके सभापति कृष्ण प्रसाद चौधरी रहल रहिट । उहाँ फेन संस्थाहे सेक्ना सहयोग कैना बटाइल रहिट । कार्यक्रममे रेस्त कैलालीके अध्यक्ष रमेश चौधरी, वसन्ता बहुउद्देश्यीय सहकारी संस्थाके व्यवस्थापक दुलीराम चौधरी, संस्थाके सल्लाहकार मणिराम बखरिया, संस्थाके सदस्य लगायत समाजसेवी, बुद्धि, भल्मन्साहुक्रनके उपस्थिति रहल रहे ।

कार्यक्रममे संस्थाके उद्देश्यबारे सदस्य हरिराम चौधरी जानकारी कराइल रहिट । उहाँ संस्थाके खास उद्देश्य गाउँघरमे हुइना विकृति विसंगितहे निराकरण कैना, टमान सेचतनामूलक कार्यक्रम कैना, टुहरा बालबालिकाहुक्रनके शारीरिक, मानसिक, बौद्विक विकासके सहयोग कैना बटाइल रहिट ।

संस्थाके अध्यक्ष अमति चन्द चौधरीके घरगोसियाइमे हुइल कार्यक्रमके सञ्चालन संस्थाके सदस्य दिनेश चौधरी करल रहिट ।

यिहे बिच किरण नेपाल संस्थाहे अमेरिकामे रहल ध्रुवचन्द्र चौधरी नगद ६० हजार आपन गोसिनीया किरण चौधरी मार्फत संस्थाहे सहयोग करले बाटै । उ रकम बर्का पहुना चौधरी संस्थाके अध्यक्ष अमृतचन्द चौधरीहे हस्तान्तरण करल रहिट ।

जनाअवजको टिप्पणीहरू