कोरोना बर्हल कहटी जानकी गापासे प्रशासनिक कामकाज बन्द

पहुरा समाचारदाता
धनगढी, २३ कार्तिक । कोरोनो बर्हल कहटी कैलालीके जानकी गाउँपालिकासे दैनिक प्रशासनिक कामकाज स्थगित करले बा ।

अँट्वारके रोज गाउँपालिकासे एक सूचना जारी करटी एक अँठ्वारके लाग सक्कु वडासे हुइना दैनिक प्रशासनिक कामकाज लगायत सक्कु मेरके सेवा प्रवाह स्थगित करल हो ।

गाउँपालिका अध्यक्ष प्रदिपकुमार चौधरीसे हस्ताक्षरित जारी सूचनामे यिहे कार्तिक २४ गतेसे २८ गतेसमके लाग सक्कु मेरके सेवा स्थगित हुइना जनाइल बा ।

विश्वव्यापी रुपमे फैलल् नोवेल कोरोना भाइरस कोभिड १९ के संक्रमण गाउँपालिकामे दिनप्रति दिन बर्हटी रहल ओ कार्यालयमे कार्यरत अधिकांश कर्मचारीनमे कोरोना संक्रमण पुष्टि हुइल ओरसे सक्कु सेवा सुविधा एक अँठ्वारके लाग स्थगित कैना जनाइल बा ।