थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

शिअ उसु क्वानले १४ औं वार्षिकोत्सव

पहुरा | २३ कार्तिक २०७७, आईतवार
शिअ उसु क्वानले १४ औं वार्षिकोत्सव

पहुरा समाचारदाता
धनगढी,२३ कार्तिक ।
कैलालीके धनगढी उपमहानगरपालिका वडा नम्बर ७ मनेहरास्थित शिअ उसु क्वान १४ औं वार्षिकोत्सव विविध कार्यक्रम करके मनैले बा ।

क्वानके उपाध्यक्ष खगेन्द्र अधिकारीके अध्यक्षतामे हुइल कार्यक्रममे प्रतिनिधि सभा सदस्य नारदमुनि राना रहल रहिट । वार्षिकोत्सवके उद्घाटन समारोहहे सम्बोधन करटी प्रतिनिधि सभा सदस्य राना सरकारसे खेलकुदमे लगानी बढाई पर्ना बटैलै । ‘अब्बे सरकारसे खेलाडीहुकनके हकमे उत्कृष्ट काम करे नइसेकल हो’ उहाँ कहलै– ‘खेलकुदहे स्वास्थ्यसंगे जिविकोपार्जन, रोजगारी, सुरक्षासंग जोरना आवश्यक बा ।’ प्रतिनिधि सभा सदस्य लक्ष्मी चौधरी, जिल्ला खेलकुद विकास समितिके कार्यालय प्रमुख टोपबहादुर विष्ट, शिवनगर खानेपानी तथा सरसफाई उपभोक्ता समितिके अध्यक्ष राजेशकुमार खाती लगायत शुभकामना मन्तव्य व्यक्त करले रहिट ।

साउथ एशियन रेफरी अस्मिता जोशी स्वागत करल कार्यक्रमके सञ्चालन सचिव रतन खाती करले रहिट । ओस्टेक वार्षिकोत्सवके अवसरमे दुई जाने उत्कृष्ट खेलाडीहे सम्मान करल बा । क्वानसे वर्ष उत्कृष्ट खेलाडीमे एलिशा खाती ओ वर्ष अनुशासित खेलाडीमे सुवास भुल सेठ्ठीहे सम्मान करल हो । ओइनहे दोसल्ला ओ प्रमाणपत्र वितरण करके प्रतिनिधी सभा सदस्य नारदमुनि राना सम्मान करल हुइट ।

जनाअवजको टिप्पणीहरू