थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

कोभिड अस्थायी अस्पतालमे शैय्या ठप्ना तयारी

पहुरा | २५ कार्तिक २०७७, मंगलवार
कोभिड अस्थायी अस्पतालमे शैय्या ठप्ना तयारी

पहुरा समाचारदाता
धनगढी, २५ कार्तिक ।
कोभिड अस्थायी अस्पतालमे प्रदेश सरकारसे शैय्या थप्ना तयारी करले बा ।
अस्पतालमे संक्रमितसे भरलपाछे थप संक्रमितके उपचारमे चुनौती हुइल पाछे प्रदेश सरकारसे शैøया विस्तार करे लागल हो । अस्पताल ५० शैय्याके रहल बा । सामाजिक विकास मन्त्रालयके प्रवक्ता नरेन्द्र कार्की कोभिड अस्थायी अस्पतालमे थप ५० शैय्या विस्तार करे लागल जानकारी डेलै ।

कार्कीके अनुसार सहरी विकास तथा भवन निर्माण कार्यालयसे शैय्या विस्तारके लाग आवश्यक पर्ना भवन निर्माणके लाग प्राविधिक अध्ययन सुरु करले बा । कार्यालयसे शुकसम अध्ययन कैके लागत स्टमेट पेश करलपाछे अन्य प्रक्रिया सुरु कैना कार्की बटैलै ।

सेती प्रादेशिक अस्पतालसे व्यवस्थापन करटी रहल कोभिड अस्थायी अस्पतालमे ५१ जाने संक्रमितके उपचार हुइटी रहल बा । ५० शैय्या क्षमता रहलमे ५१ संक्रमितके उपचार हुइटी रहल सेती प्रादेशिक अस्पतालके सूचना अधिकारी दिलिपकुमार श्रेष्ठ जानकारी डेलै ।

ओहकान अनुसार जटिल अवस्थाके १५ जनहनके सघन उपचार कक्ष आईसीयूमे उपचार हुइटी रहल बा । १० शैøयाके आईसीयू सेटअप रहल अस्पतालसे जनरल वार्ड समेत अक्सिजनके उपलब्धता हुइनामेरके वैकल्पिक व्यवस्था करटी २० शैय्याके बनैले बा । मने अस्पताल भर्ना हुइल १५ जाने संक्रमितहे आईसीयूमे राखलपाछे आब ५ ठो वैकल्पिक शैय्या किल खाली बावै ।

प्रदेशके रेफरल सेती प्रादेशिक अस्पतालके कोभिड अस्थायी अस्पतालके शैय्या संक्रमितसे भरलपाछे आब अइना संक्रमितहे कैसिक उपचार सेवा डेना कना चुनौती अस्पताल सामू रहल बा ।
सुदूरपश्चिममे धनगढीके कोभिड अस्थायी अस्पताल सहित टमान १८ अस्पतालमे ३ सय १० आईसोलेसन वेड रहल बावै । अब्बे सेतीमे ५१ सहित ८६ संक्रमित टमान अस्पतालमे उपचाररत रहल बाटै ।

अन्यत्रके अस्पतालमे तत्काल आईसीयू ओ भेन्टिलेटर सेवाके उपलब्धता नाइ होके उपचारके लाग सेती प्रादेशिक अस्पतालमे पठैना करल बा । सामाजिक विकास मन्त्रालयसे भर अन्य अस्पतालमे फेन भेन्टिलेर ओ आईसीयू सेवा उपलब्ध रहल

जनशक्ति अभावके कारण समस्या हुइल दाबी करले बा । मन्त्रालयके प्रवक्ता कार्की जनशक्ति अभाव रहल ओरसे उपकरण समेत सञ्चालन करे नाइ सेकल बटैलै ।

सुदूरपश्चिममे कोरोना संक्रमित १० हजारसे ढेर

सुदूरपश्चिम प्रदेशके थप ५६ जनहनमे कोरोना संक्रमण पुष्टि हुइल बा । प्रदेशके ३ ठो प्रयोगशालामे करल परीक्षणमे ५६ जनहनमे संक्रमण पुष्टि हुइल हो । सेती प्रादेशिक अस्पताल प्रयोगशालामे १ सय ९५ जनहनमे परीक्षण करेबर थप ३६ जनहनमे संक्रमण पुष्टि हुइल हो ।

अस्पतालके सूचना अधिकारी दिलिपकुमार श्रेष्ठ कैलालीके धनगढी उपमहानगरपालिकाके १९ जनहनमे संक्रमण डेखल जानकारी डेलै । ओहकान अनुसार उपमहानगरपालिकाके वडा नम्बर ५ के ९ जाने, वडा नम्बर २ के ५ जाने, वडा नम्बर १ के २ जाने, ओस्टके वडा नम्बर ३, ७ ओ १२ के १÷१ जनहनमे संक्रमण पुष्टि हुइल हो ।

कैलालीके गोदावरी नगरपालिकाके ५ जाने ओ लम्किचुहा नगरपालिकाके ४ जनहनमे समेत कोरोना पुष्टि हुइल सूचना अधिकारी श्रेष्ठ बटैलै । ओस्टके कञ्चनपुरके भीमदत्त नगरपालिकाके २ जाने, ओस्टके बेलौरी नगरपालिका, कृष्णपुर नगरपालिका ओ बेदकोट नगरपालिकाके १÷१ जनहनमे समेत कोरोना पुष्टि हुइल बा ।

उहोर डडेल्धुराके २ जाने ओ डोटीके केआईसिह गाउँपालिका–६ के १ जनहनमे फेन संक्रमण पुष्टि हुइल सूचना अधिकारी श्रेष्ठ जानकारी बटैलै । उहोर बैतडीके थप २ जनहनमे कोरोना भाइरसके संक्रमण पुष्टि हुइल बा ।

डडेल्धुरा अस्पतालके प्रयोगशालामे हुइल परीक्षणमे दशरथचन्द नगरपालिका ४ के २७ वर्षिय पुरुष ओ दोगडाकेदार गाउँपालिका ४ के २१ वर्षीय पुरुषमे कोरोना पुष्टि हुइल हो । ओस्टके डोटीमे करल परिक्षणमे थप २ जनहनमे कोरोना संक्रमण पुष्टि हुइल बा ।

पाछेक २४ घण्टामे २५ जनहनके परिक्षण करलमे डोटीके २ जनहनमे कोरोना संक्रमण पुष्टि हुइल अस्पताल जनैले बा । डोटीके दिपायल सिलगढीके २ जनहनमे संक्रमण पुष्टि हुइल जिल्ला अस्पताल डोटीके ल्याव इन्चार्ज शौरभ श्रेष्ठ जानकारी डेलै ।

ओस्टके डडेल्धुरा अस्पतालके प्रयोगशालामे ८ जाने, बझाङ अस्पताल प्रयोगशालामे १० जनहनमे पुष्टि हुइल सामाजिक बिकास मन्त्रालय जनैले बा ।

यी संगे सुदूरपश्चिममे कोरोना संक्रमितके संख्या १० हजार २ सय १० पुगल बा । संक्रमण पुष्टि हुइल ८ हजार ५ सय ढिउर कोरोना जिटल बाटै कलेसे २९ जाने संक्रमितके मृत्यु हुइल बा ।

नेपालमे कोरोना संक्रमितके संख्या २ लाख

पाछेक २४ घण्टामे थप २७३६ जनहनमे कोरोना भाइरस (कोभिड(१९) के संक्रमण पुष्टि हुइल बा । देशभरके प्रयोगशालामे १२ हजार ९६० नमुना परीक्षण करेबर १०५९ महिला ओ १६७७ पुरुषमे संक्रमण पुष्टि हुइल हो । ओस्टके कुल संक्रमितके संख्या २ लाख पुगल बा । हालसम १ लाख ९९ हजार ७६० जाने संक्रमित हुइल बाटै । उहाँहुक्रनमध्ये ११४८ जनहनके मृत्यु हुइल स्वास्थ्य तथा जनसंख्या मन्त्रालय जनैले बा ।

१ लाख ६० हजार ५७७ जाने संक्रमणमुक्त हुइल बाटै । पाछेक २४ घण्टामे किल ८५३ जाने संक्रमणमुक्त हुइल बाटै । देशभर ३८ हजार ३५ संक्रिय संक्रमित बाटै । उहाँहुक्रनमध्ये २९ हजार ७३४ जाने होम आइसोलेसनमे बाटै कलेसे ४०४ जनहनके आईसीयू ओ ९६ जनहनके भेन्टिलेटरमे उपचार हुइटी रहल बा ।

जनाअवजको टिप्पणीहरू